All posts by : IDM Albania

Përshkrimi i projektit:

Ky projekt është i dizajnuyar të arrij qëllimin përfundimtar duke u angazhuar në implementimin e një sërë aktivitetesh, te grupuara në tri shtylla kryesore: a. hulumtim i rregullt kualitativ dhe sasior; b. avokim i vazhdueshëm, dhe c. ngritje e vetëdijes qytetare dhe përmirësim i dialogut me palët e interesit dhe grupet e synuara. Aktivitetet e projektit janë të ndara në dy grupe kryesore, përfshirë hulumtim dhe avokim. Në mënyrë horizontale, impakti i duhur do arrihet me një strategji të qartë dhe funksionale të dialogut me palët e interesit, median, dhe përfituesit përfundimtarë që përfshin publikun e gjërë. Përmes këtij projekti, GLPS synon të siguroj qëndrueshmëri për një nga iniciativat e saj kryesore sic është Indeksi RoLPIK, i prezantuar tashmë që shtatë vite, dhe një ndër iniciativat më kredibile në fushën programatike të sundimit të ligjit. Ndër të tjera, Indeksi RoLPIK paraqet një nga iniciativat më origjinale dhe inovative mbi matjen e përceptimit qytetarë mbi performancën e institucioneve të drejtësisë në Kosovë, duke ofruar një kombimin të indikatorëve të përceptimit (duke matur përceptimin qytetetarë) dhe indikatorëve strukturor (duke analizuar në thellësi performancën e sistemit gjyqësorë dhe atij prokurorial, përmes analizës së lëndëve të trajtuara brenda një viti), përmes një metodologjie të detajuar dhe testuar më parë.

Përfituesit

Institucionit e sundimit te ligjit, ministritë e linjes, ojq-të, komuniteti i biznesit, media, qytetarët në përgjithësi

Aktivitetet kryesore:

• Rishikimi i metodologjisë së Indeksit RoLPIK
• Hulumtim i vazhdueshem (mbledhja dhe analizimi i të dhënave)
• Implementimi i Anketes së RoLPIK
• Hartimi dhe finalizimi i Edicionit 8 të RoLPIK
• Dizajnimi i infografikave të raportit
• Organizimi i tryezës së diskutimit
• Avokim i vazhdueshëm (takime) dhe PR

Përshkrimi i projektit:

Problemi që ky projekt synon të adresojë janë marrëdhëniet ndëretnike dhe përpjekjet për pajtim ndërmjet komuniteteve shqiptare dhe serbe, dhe rrjedhimisht të ndihmoj në krijimin e një klime të volitshme shoqërore për zbatimin e suksesshëm të Strategjisë për Drejtësi Tranzicionale të Kosovës 2024 – 2034. Megjithatë, pavarësisht nga nismat e ndryshme, marrëdhëniet ndër-etnike mbeten ende të tendosura, posaçërisht në rajone si veriu i Kosovës. Në këtë aspekt, duhet pasur parasysh se narrativët që prezantohen nga mediat dhe figurat politike formësojnë diskursin publik, dhe si të tilla, luajnë një rol të rëndësishëm në formësimin e perceptimeve publike, të cilat mund të përkeqësojnë marrëdhëniet ndëretnike ose në të kundërt të promovojnë paqe dhe pajtim.

Synimet:

Qëllimi i përgjithshëm i këtij projekti Forcimi i kohezionit social me përmirësimin të marrëdhënieve ndëretnike dhe pajtimit në Kosovë përmes rritjes së përgjegjësisë ndaj
diskurseve mediatike dhe politike. Gjithashtu, projekti do të kontribuoj në zbatimin e Strategjisë për Drejtësi Tranzicionale të Kosovës 2024-2034, gjegjësisht objektivit të përmirësimi e kohezionit social në vend.

Grupet e synuara dhe perfituesit:

a) Publiku i gjerë në Kosovë, veçanërisht ata që preken nga narrativat politike dhe mbulimi mediatik i marrëdhënieve etnike.
b) Mediat që synojnë përmirësimin e raportimit të tyre mbi çështjet e ndjeshme të marrëdhënieve ndëretnike.
c) Politikanët dhe politikëbërësit që do të përfitojnë nga rekomandimet për të forcuar kohezionin social.

Aktivitetet kryesore:

Analiza e mediave: Kërkimi do të ofrojë një analizë të detajuar mbi narrativët mediatikë (12 në gjuhën shqipe dhe 4
në gjuhën serbe) dhe politike që kanë dominuar diskursin publik.

• Intervista me gazetarë;
• Intervista me liderë politik;
• Intervista me përfaqësues të shoqërisë civile;
• Anketa e Opinionit Publik;
• Hartimi i Punimit të Politikave (Policy Paper);
• Prezantimi Publik i Punimit të Politikave.

Pershkrimi i projektit:

Problemi kryesor që projekti synon të adresojë është mungesa e dialogut dhe e mirëkuptimit ndërmjet komuniteteve etnike të ndryshme në Kosovë, veçanërisht në mes të rinjve shqiptarë dhe serbë. Kjo mungesë bashkëpunimi dhe dialogu ka kontribuar në kultivimin e paragjykimeve etnike, të cilat janë trashëguar brez pas brezi dhe thellohen më tej nga narrativa nacionaliste që propagandohen në komunitete të ndryshme. Për pasojë, të rinjtë shpesh janë të prirur ndaj “ndërgjegjes monoetnike” dhe janë më të ekspozuar ndaj nacionalizmit dhe dhunës si rrjedhojë e këtyre tensioneve.

Projekti i propozuar përmes aktiviteteve të Akademisë së Paqes dhe Sesioneve Edukative synon të trajtojë këto sfida përmes një qasjeje të drejtpërdrejtë, duke ofruar mundësi për të rinjtë nga komunitete të ndryshme që të angazhohen në dialog ndërkulturor dhe të mësojnë rreth drejtësisë tranzicionale dhe procesit të pajtimit. Përveç kësaj, projekti synon të trajnojë punonjës të OJQ-ve, psikologë, mësues për të zhvilluar aftësitë e tyre si facilitatorë të këtyre aktiviteteve, duke siguruar një qasje të qëndrueshme dhe të mirëkoordinuar për paqen në Kosovë.

Objektivat:

• Rritja e kapaciteteve të trajnerëve dhe facilitatorëve – Trajnimi i 15 profesionistëve (punonjës të OJQ-ve, psikologë, mësues, punonjës socialë) për të lehtësuar aktivitete edukative për paqen dhe pajtimin ndërmjet të rinjve nga komunitetet etnike të ndryshme në Kosovë.
• Promovimi i dialogut ndërkulturor dhe edukimit për paqe – Zhvillimi i sesioneve edukative me nxënës të shkollave të mesme në zonat multietnike dhe rurale për të sfiduar stereotipet dhe për të promovuar drejtësinë tranzicionale dhe përballjen me të kaluarën.
• Rritja e ndërgjegjësimit dhe përfshirjes së komuniteteve lokale – Përfshirja e qeverisjes lokale dhe qendrore, si dhe shkollave, për të siguruar mbështetje institucionale për nisma që promovojnë pajtimin dhe kohezionin social.
• Reduktimi i ndikimit të narrativave nacionaliste ndërmjet të rinjve – Zvogëlimi i rrezikut që të rinjtë të përqafojnë dhunën dhe radikalizimin përmes nxitjes së diskutimeve konstruktive dhe edukimit joformal për paqen.

Perfituesit:

Të rinjët në Republikën e Kosovës, mbrojtësit e të drejtave të njeriut, aktivistët, OSHC-të, pjesëtarët e të gjitha komuniteteve që jetojnë në Kosovë, institucionet qendrore dhe lokale, si dhe publiku i gjerë.

Aktivitetet kryesore:

• 15 pjesëmarrës do të trajnohen dhe certifikohen për të zhvilluar dhe lehtësuar aktivitete që adresojnë drejtësinë tranzicionale, dialogun ndërkulturor dhe transformimin e konflikteve ndërmjet të rinjve nga komunitete të ndryshme etnike.
• Përmirësimi i dialogut ndërmjet të rinjve shqiptarë dhe serbë në Kosovë
• Rritja e ndërgjegjësimit për drejtësinë tranzicionale dhe përballjen me të kaluarën
• Zhvillimi i bashkëpunimit me shkollat dhe qeverisjen lokale
• Reduktimi i rrezikut të radikalizimit dhe dhunës ndërmjet të rinjve
• Krijimi i një modeli të qëndrueshëm për edukimin joformal