All posts by : IDM Albania

Përmbledhja e projektit

Ky projekt synon të trajtojë boshllëkun e njohurive midis qytetarëve, veçanërisht të rinjve, në lidhje me institucionet vendore dhe Reformën Administrativo-Territoriale të vitit 2014. Nëpërmjet nismave të edukimit ligjor dhe ndërgjegjësimit, projekti synon t’u ofrojë qytetarëve një kuptim më të mirë të institucioneve vendore dhe funksioneve të tyre, duke rritur kështu pjesëmarrjen e tyre në proceset vendimmarrëse dhe kontributin e tyre në zhvillimin urban.

Qëllimi i projektit

Qëllimi i projektit është të edukojë qytetarët për institucionet vendore dhe përgjegjësitë e tyre në kuadër të zgjedhjeve lokale, duke siguruar që qytetarët të jenë të mirëinformuar për vendimet e tyre.

Grupet e synuara dhe përfituesit

• Të rinjtë dhe gratë e moshës 15-45 vjeç;
• Organizatat e shoqërisë civile që operojnë në territorin e Bashkisë Lezhë.

Aktivitetet kryesore

• Organizimi i 2 workshop-eve me 50 përfitues nga 10 Njësitë Administrative të Bashkisë Lezhë;
• Fushata Ndërgjegjësuese Online;
• Organizimi i Tryezës së Rrumbullakët për Avokim pranë Këshillit Bashkiak dhe Bashkisë Lezhë;
• Hartimi i Planit Vendor të Veprimit (2023-2026) për Edukimin Ligjor të Lezhës;
• Nënshkrimi i Memorandumit të Bashkëpunimit ndërmjet Organizatave të Shoqërisë Civile Lezhë.

Përmbledhja e projektit

Projekti synon të adresojë sfidat dhe nevojat e të rinjve në procesin e Integrimit të Shqipërisë në Bashkimin Evropian dhe të fokusohet në kapitujt 19 dhe 26 të negociatave, të cilat trajtojnë çështjet dhe problemet rinore. Objektivi është përfshirja aktive e të rinjve dhe inkurajimi i angazhimit të tyre në procesin e negociatave dhe politikat e integrimit. Nëpërmjet krijimit të politikave të përshtatshme publike, projekteve sistematike dhe rritjes së informacionit dhe pritshmërive të të rinjve, EU Policy Hub synon të përmirësojë përfshirjen dhe të rrisë kapacitetin e tyre për të ndikuar në politikat rinore në procesin e integrimit. Projekti synon gjithashtu të rrisë ndërgjegjësimin e të rinjve për procesin e negociatave dhe të sigurojë përfshirjen e tyre në avokimin dhe monitorimin e këtij procesi, për të rritur transparencën dhe llogaridhënien në politikat që i prekin ata.

Qëllimi i projektit

Qëllimi i projektit është rritja e informacionit dhe forcimi i kapaciteteve të të rinjve për të luajtur një rol aktiv gjatë  procesit të anëtarësimit të Shqipërisë në BE. Nëpërmjet krijimit të “Klubit të Integrimit Europian” i përbërë nga aktivistë dhe studentë të rinj, synohet angazhimi dhe përfshirja e tyre në debatin për integrimin europian. Aktivitetet e kësaj nisme synojnë fuqizimin e të rinjve si agjentë me ndikim në të gjitha fazat e këtij procesi duke rritur njohuritë e tyre, të kuptuarit e institucioneve, politikave dhe standardeve evropiane dhe duke promovuar përfshirjen e tyre në diskursin publik.

Grupet e synuara dhe përfituesit

• Studentë dhe profesionistë të rinj, të moshës 18-29 vjeç;
• Qytetarët;
• Këshilli Kombëtar për Integrimin Evropian dhe institucionet e tjera koordinuese të procesit.

Aktivitetet kryesore

• Takime diskutimi të Klubit të Integrimit;
• Akademia e Lidershipit të Integrimit Evropian;
• Monitorimi periodik i mbledhjeve të Këshillit Kombëtar për Integrim Evropian;
• Zhvillimi i një analize për punën e Këshillit të Integrimit Evropian.

Përmbledhja e projektit

Projekti synon të trajtojë ndikimin negativ të ndërtimit të hidrocentralit në lumin Luma dhe mbrojtjen e zonës së mbrojtur të Topojanit në Kukës. Lumi Luma është i rëndësishëm për rajonin dhe popullsinë vendase, por është nën presionin e zhvillimeve të hidrocentraleve. Komuniteti lokal dhe grupet e interesit janë kundër ndërtimit të hidrocentraleve dhe propozojnë krijimin e një zone të mbrojtur. Projekti synon të mbështesë komunitetin në përpjekjet e tyre për të ruajtur këtë pasuri natyrore dhe për të arritur një zhvillim të qëndrueshëm ekonomik. Bashkëpunimi me organizatat joqeveritare dhe mediat do të ndihmojë në këtë proces duke rritur ndërgjegjësimin e publikut dhe duke siguruar që kërkesat e komunitetit të merren parasysh. Objektivi kryesor është ruajtja e lumit Luma si një trashëgimi natyrore kombëtare dhe sigurimi i zhvillimit të qëndrueshëm ekonomik në qarkun e Kukësit.

Qëllimi e projektit

Qëllimi i projektit është rritja e pjesëmarrjes së publikut në proceset vendimmarrese për përdorimin e qëndrueshëm të burimeve natyrore. Kjo do të arrihet nëpërmjet përmirësimit të procedurave të njoftimit publik për lejet mjedisore të hidrocentraleve në zonat që lidhen me luginën e lumit Topojan. Projekti synon gjithashtu të inkurajoje përfshirjen e qytatareve në dëgjesat publike në lidhje me lejet mjedisore për hidrocentralet. Në fund të fundit, projekti synon të ofrojë mbështetje për komunitetin në luginën e lumit Topojan në reagimet e tyre qytetare, duke bërë që zëri i tyre të dëgjohet nga institucionet vendimmarrëse.

Grupet e synuara dhe përfituesit

• Banorët e prekur drejtpërdrejt nga ndërtimi i hidrocentraleve në luginën e lumit Topojan dhe Shushicë, si dhe në fshatrat përreth.

Aktivitetet kryesore

• Nisja e projektit në Kukës përmes një konference të përbashkët me përfaqësues të institucioneve publike;
• Degjesa Publike në Njësinë Administrative Topojan dhe Shishtavec;
• Mbjellja e 500 fidanëve të pishës së zezë (Pinus nigra) në toka të gërryera dhe të dëmtuara si rezultat i ndërtimit të 5 hekurudhave;
• Përgatitja e një dokumenti analitik që vlerëson nivelin e reflektimeve nga komuniteti vendor në dëgjesat publike dhe dërgimin e këtij dokumenti përmbledhës tek institucionet përkatëse;
• Adresimi i kërkesave dhe ankesave të komunitetit të njësive të qeverisjes vendore ndaj institucioneve vendimmarrëse.

Përmbledhja e projektit

Projekti synon të trajtojë çështjet sociale me të cilat përballen komunitetet minoritare rome dhe egjiptiane në lidhje me legalizimin e banesave të tyre. Këto dy minoritete hasin në pengesa të shumta si mungesa e informacionit, diskriminimi i vazhdueshëm, procedurat sfiduese administrative dhe pengesat burokratike brenda institucioneve publike. Nëpërmjet këtij projekti, synohet të rritet ndërgjegjësimi i familjeve për procesin e legalizimit të banesave informale dhe të promovojë përgjegjësinë institucionale në zbatimin e ligjeve dhe masave për të garantuar barazi dhe pjesëmarrje për komunitetet rome dhe egjiptiane. Projekti përfshin aktivitete për të fuqizuar dhe mobilizuar familjet që të përfshihen në proceset e avokimit dhe të ndikojnë në vendimmarrjen lokale.

Qëllimi i projektit

Qëllimi i projektit është të sigurojë strehim të sigurt përmes mobilizimit të komunitetit dhe rritjes së fuqisë vendimmarrëse të komuniteteve rome dhe egjiptiane, duke përfshirë proceset gjithëpërfshirëse dhe transparente të negociatave me pushtetin qendror dhe vendor.

Grupet e synuara dhe përfituesit

Familjet e minoriteteve rome dhe egjiptiane në qytetin e Elbasanit.

Aktivitetet kryesore

• Takimet në terren;
• Takime informuese për aktet ligjore dhe procedurat administrative lidhur me legalizimin e banesave informale;
• Takimi për fuqizimin e komunitetit dhe rritjen e aftësive avokuese të familjeve rome dhe egjiptiane;
• Takim me përfaqësues të Drejtorisë Vendore të Agjencisë Shtetërore të Kadastrës dhe Bashkisë Elbasan;
• Ndihma dhe ofrimi i ndihmës juridike;
• Prodhimi i një video dokumentari.

Përmbledhja e projektit

Projekti synon të krijojë një mjedis mbështetës për ofrimin e shërbimeve të mbrojtjes sociale në zonat rurale të Bashkisë së Tiranës duke zgjeruar dhe diversifikuar shërbimet e drejtpërdrejta dhe sociale për grupet vulnerabël. Projekti fokusohet në promovimin e një sistemi të integruar të mbrojtjes sociale, masat parandaluese për mbrojtjen e fëmijëve dhe grupeve në rrezik, si dhe përmirësimin e ndërveprimeve ndërmjet shërbimit të kujdesit shëndetësor dhe Njësisë së Mbrojtjes së Fëmijëve. Këto masa synojnë të sigurojnë akses të qëndrueshëm në shërbimet sociale dhe mbrojtje për grupet në nevojë në zonat rurale.

Qëllimi i projektit

Objektivi kryesor është zhvillimi i kapaciteteve të profesionistëve të mbrojtjes së fëmijëve në zonat rurale për të përmirësuar procesin e identifikimit dhe menaxhimit të rasteve në nevojë, si dhe për të koordinuar veprimet ndërmjet ofruesve të shërbimeve publike dhe organizatave sektoriale për të identifikuar dhe menaxhuar në mënyrë aktive rastet në nevojë.

Grupet e synuara dhe përfituesit

• Profesionistë të Njësisë së Mbrojtjes së Fëmijëve;
• Ofruesit e shërbimeve sociale;
• Institucione të tjera që ofrojnë mbrojtje sociale dhe shëndetësore;
• Komunitete vulnerabël në rrezik të lartë për t’u përfshirë në çështje të tilla si abuzimi, trafikimi, migrimi i paligjshëm, konfliktet ligjore, etj., veçanërisht fëmijët, të rinjtë dhe prindërit e tyre.

Aktivitetet kryesore

• Lehtësimi i procesit të listimit të treguesve socialë;
• Kryerja e një sërë seminaresh për menaxhimin efektiv të rasteve në nevojë për mbrojtje;
• Vizitë studimore;
• Organizimi i dy takimeve teknike;
• Zhvillimi i mjeteve lehtësuese për koordinimin e punës ndërmjet shërbimeve të mbrojtjes sociale, shëndetësisë, arsimit dhe policisë në kuadër të procedurës së menaxhimit të rasteve.

  Përmbledhja e projektit

Projekti synon të trajtojë çështjen e dhunës ndaj grave dhe vajzave në Tiranë. Pavarësisht përpjekjeve të bëra në këtë drejtim në Shqipëri, rastet e femicideve vitet e fundit tregojne se ekziston ende një shqetësim serioz në shoqërinë shqiptare. Ndaj Bashkia e Tiranës miratoi Planin Vendor të Veprimit për Barazinë Gjinore, me synim forcimin e sigurisë dhe mbrojtjes së grave dhe vajzave të viktimizuara. Nëpërmjet këtij projekti, do të ofrohet mbështetje dhe këshillim për të përmirësuar trajtimin e rasteve të dhunës nga Njësitë Administrative në Bashkinë Tiranë. Kjo nismë synon të rrisë mbrojtjen dhe sigurinë për gratë dhe vajzat që përjetojnë dhunë duke përfshirë ndërgjegjësimin, ndërtimin e kapaciteteve dhe ofrimin e mbështetjes efektive.

Qëllimi i projektit

Qëllimi i projektit është të rrisë sigurinë dhe mbrojtjen e grave dhe vajzave viktima të dhunës në familje dhe dhunës me bazë gjinore në Bashkinë e Tiranës. Objektivat specifike përfshijnë identifikimin e çështjeve dhe praktikave më të mira në trajtimin e rasteve të dhunës nga punonjësit e Bashkisë së Tiranës, pajisjen e punonjësve me aftësinë për të identifikuar faktorët që rrezikojnë sigurinë dhe jetën e viktimave të dhunës në familje, si dhe trajtimin efektiv të rasteve; avokimi pranë Bashkisë së Tiranës për përmirësimin e shërbimeve për viktimat e dhunës në familje dhe dhunës me bazë gjinore.

Grupet e synuara dhe përfituesit

• Punonjësit e Njësive Administrative të Bashkisë Tiranë;
• Gratë dhe vajzat viktima të dhunës në familje dhe dhunës me bazë gjinore në Bashkinë e Tiranës.

Aktivitetet kryesore

• Koordinimi i takimeve me Drejtorinë e Shërbimeve Sociale, Bashkia Tiranë;
• Fokus grupe me punonjës të Njësive Administrative;
• Përgatitja e Udhëzuesit për punonjësit e Njësive Administrative;
• Shpërndarja e Udhëzuesit në të gjitha Njësitë Administrative të Bashkisë Tiranë;
• Avokim pranë Bashkisë së Tiranës për përmirësimin e reagimit të Njësive Administrative në mbrojtjen e viktimave të dhunës.

Përmbledhja e projektit

Projekti synon të trajtojë çështjen e varfërisë energjetike në Shqipëri, ku një pjesë e konsiderueshme e popullsisë nuk është në gjendje të përballojë energjinë e nevojshme për shkak të çmimeve të larta. Ky problem prek veçanërisht komunitetet vulnerable dhe ka pasoja negative në shëndetin dhe mirëqenien e qytetarëve. Përveç fokusimit në politikat e mbështetjes sociale, ekziston nevoja për të mbrojtur politikat e bazuara në fakte dhe pjesëmarrjen e grupeve të prekura. Projekti synon të përmirësojë efikasitetin e konsumit të energjisë dhe të ndajë njohuritë me aktorët lokalë, duke i përfshirë ata në identifikimin dhe zbatimin e zgjidhjeve të qëndrueshme. Nëpërmjet kësaj ndërhyrjeje, projekti synon të forcojë rolin e shoqërisë civile, të mobilizojë aktorët lokalë dhe të ketë një ndikim pozitiv në menaxhimin e varfërisë energjetike në vend.

Qëllimi i projektit

Qëllimi i projektit është të forcojë rolin, përfshirjen dhe ndikimin e shoqërisë civile në mobilizimin e aktorëve lokalë dhe rajonalë për menaxhimin proaktiv të varfërisë energjetike në vend.

Grupet e synuara dhe përfituesit

• Grupet vulnerabël që përjetojnë varfëri energjetike;
• Të rinjtë dhe përfaqësuesit e Qendrave Rinore lokale;
• Qytetarët e Bashkisë Berat dhe grupet e interesit në 4 bashkitë: Tiranë, Shkodër, Vlorë dhe Elbasan.

Aktivitetet kryesore

• Fushatë informimi dhe vlerësimit të nevojave për trajnime për çështjet e varfërisë energjetike në nivel lokal;
• Ngritja e kapaciteteve të aktorëve lokalë për angazhim aktiv në adresimin e sfidave të varfërisë energjetike;
• Krijimi i një rrjeti aktiv të palëve të interesuara në territorin e synuar për të siguruar përfshirjen proactive të ytetarëve në menaxhimin e varfërisë energjetike;
• Koordinimi i takimeve me palët e interesit për të krijuar një rrjet të ndikimit qytetar në proceset e menaxhimit të sigurisë së energjisë;
• Fushata educative dhe ndërgjegjësuese me komunitetin;
• Tryeza kombëtare e diskutimeve mbi varfërinë energjetike

Përmbledhja e projektit

Projekti synon edukimin, informimin dhe angazhimin e të rinjve me dëmtim të dëgjimit në institucionet e qeverisjes vendore në Bashkinë e Tiranës. Duke adresuar sfidat e boshllëqeve të informacionit dhe diskriminimit në gjuhën shqipe të shenjave, projekti promovon aktivizmin rinor dhe komunitetet gjithëpërfshirëse. Nëpërmjet organizimit të punëtorive dhe takimeve, projekti synon rritjen e njohurive dhe pjesëmarrjen aktive të të rinjve në shoqëri dhe në proceset vendimmarrëse. Projekti synon të përmirësojë proceset demokratike dhe të përfshijë të rinjtë me dëmtim të dëgjimit në Bashkinë e Tiranës si aktorë të pushtetit vendor.

Qëllimi i  projektit

Qëllimi i projektit është të edukojë të rinjtë me dëmtim të dëgjimit për institucionet e qeverisjes vendore, rolet, përgjegjësitë dhe shërbimet e tyre, nëpërmjet aksesit në informacion, duke promovuar aktivizmin rinor dhe shoqërinë gjithëpërfshirëse.

Grupet e synuara dhe përfituesit

• 15 të rinj me dëmtime dëgjimi nga Bashkia e Tiranës, mosha 15-25 vjeç.
• 30 të rinj me dëmtime dëgjimi nga Bashkia e Tiranës që do të marrin pjesë në takime;
• 1000 anëtarë të komunitetit të njerëzve që nuk dëgjojnë;
• 30 anëtarë të Këshillit Bashkiak Kiranë

Aktivitetet kryesore

• Workshopi “Bashkia ime”;
• Takime konsultative joformale me të rinjtë me dëmtim të dëgjimit;
• Takimi me Këshillin Bashkiak të Tiranës;
• Video informuese rreth shërbimeve online.