All posts by : IDM Albania

Koalicioni i OJQ-ve për Mbrojtjen e Fëmijëve në Kosovë – KOMF ka lançuar “Programin për ngritjen e kapaciteteve”

Programi për ngritje të kapaciteteve përmban strukturë modulare dhe është përpiluar me qëllim të ngritjes së kapaciteteve të OJQ-ve anëtare në fushën e qeverisjes së mirë, procedurave të mbrojtjes së fëmijëve, avokimit, komunikimit dhe ngritjes së fondeve.

Modulet e prezantuara në këtë program janë të dizajnuara në atë mënyrë që organizatat anëtare të KOMF dhe jo vetëm, të mund t’i përdorin ato në mënyrë të pavarur për të ngritur kapacitetet e tyre në fushat e lartpërmendura.

Në këtë program janë përfshirë mjete dhe instrumente të cilat mund të përdoren nga OJQ-të me qëllim të lehtësimit të funksionimit, qëndrueshmërisë dhe arritjes së rezultateve.

Programi përmban modulet në vazhdim:

▪️ Qeverisja e mirë dhe menaxhimi i organizatës;

▪️ Procedurat e brendshme të organizatës për mbrojtjen e fëmijës;

▪️ Avokimi dhe komunikimi;

▪️ Mbledhja e fondeve dhe vullnetarizmi.

Lexoni Programin e plotë, duke klikuar më poshtë: “Programi për ngritjen e kapaciteteve”

Në Komunën e Fushë Kosovës, të rinjtë pjesëmarrës në projektin ToKeQark, iniciuar nga organizata The Balkan Forum, kanë zhvilluar një fushatë ndërgjegjësuese. Me materiale të reciklueshme ata kanë krijuar një kukull, duke gërshetuar artin, modën bashkë me ngritjen e vetëdijes për rëndësinë e ruajtjes së ambientit.

Ndërsa të rinjtë nga Komuna e Ferizajt kanë përmbyllur nismën e tyre për promovimin e ekonomisë qarkore në komunën e tyre. Përmes kampanjës së pikturimit ata kanë përçuar mesazhin tek bashkëmoshatarët e tyre rëndësinë që kanë mjetet e ripërdorura.

Kurse të rinjtë e Komunës së Graçanicës kanë finalizuar nismën e tyre për promovimin e mbrojtjes së mjedisit dhe ekonomisë qarkore. Ky grup, në kuadër të projektit ToKeQark, kanë realizuar një video promovuese, ku tregojnë se kanë realizuar një mural në qendrën e tyre, me mesazhin për mbrojtjen e mjedisit, mesazh ky që do të përçohet tek të gjithë të rinjtë që vizitojnë qendrën e tyre. Gjatë kësaj fushate kanë realizuar edhe dy debate me temë ekonominë qarkore dhe ndërgjegjësimin e qytetarëve.

Ky cikël i aktiviteteve dhe fushatave ndërgjegjësuese vjen pas trajnimit treditor që është mbajtur me pjesëmarrësit, mbi zgjidhjet novatore, ndryshimet klimatike dhe sfidat mjedisore dhe synon ta promovojë mbrojtjen e mjedisit dhe nxitjen e ideve të reja me fokus prosperitetin dhe paqen e qëndrueshme.

Balkan Green Foundation organizoi një panel diskutimi për Planin Kombëtar për Energji dhe Klimë (PKEK), ku u fol rreth politikave dhe masave për 5 dimensionet kryesore: 1) dekarbonizimi, 2) eficienca e energjisë, 3) siguria energjetike, 4) tregu i brendshëm energjetik dhe 5) hulumtimi, inovacioni e konkurrueshmëria.

Nga ky takim u vlerësua ndikimi i masave të planifikuara krahas politikave ekzistuese, si dhe u identifikuan hapat e ardhshëm drejt finalizimit të dokumentit, që përfshijnë konsultimet paraprake, publike dhe ndërkufitare.

Dokumenti është në fazën përfundimtare dhe do të jetë së shpejti në konsultim publik, përpara miratimit nga Qeveria dhe dorëzimit te Sekretariati i Komunitetit të Energjisë.

Projekti synon adresimin e sfidave në trajtimin e ndikimeve të ndryshimeve klimatike, duke nxitur procesin e dekarbonizimit në sektorët lidhur me sigurinë dhe stabilitetin rajonal. Projekti synon të ofrojë një qasje gjithëpërfshirëse në hartimin e politikave përkatëse për procesin e dekarbonizimit dhe në sigurimin e platformave të diskutimit për të theksuar se si ky proces do të ndikojë pozitivisht në zvogëlimin e ndikimit të ndryshimeve klimatike në Kosovë.

Qëllimi i përgjithshëm është zvogëlimi i ndikimit të ndryshimeve klimatike sidomos në sektorët kyç për siguri dhe stabilitet në rajon përmes procesit të dekarbonizimit.

Objektivat specifikë janë ofrimi i mbështetjes për institucionet qeveritare për hartimin e politikave sektoriale sipas standardeve të BE-së; ofrimi i platformave gjithëpërfshirëse për diskutim me akterët kryesorë për të influencuar politikat e mjedisit dhe klimës dhe ngritja e nivelit të ndërgjegjësimit të qytetarëve për ndikimin dhe efektin e ndryshimeve klimatike në sigurinë dhe stabilitetin rajonal.

Grupi i të rinjve nga Komuna e Graçanicës gjatë javës së kaluar kanë mbajtur debatin e parë televiziv, organizuar nga The Balkan Forum, në kuadër të fushatës për ekonomi qarkore që janë duke e zhvilluar në komunën e tyre.

Në këtë debat ka qenë e ftuar njëra nga aktivistet e këtij grupi dhe pjesëmarrëse e trajnimit treditor që është mbajtur nga The Balkan Forum, Silvija Avdi. Avdi ka treguar për projektin ToKeQark dhe aktivitetet që janë duke i mbajtur në kuadër të projektit, gjithashtu duke sqaruar se çfarë është ekonomia qarkore dhe si mund të funksionojë ajo në komunën e Graçanicës.

60 të rinj nga afiliimet e ndryshme në 4 komuna të Kosovës kanë fituar aftësi dhe burime për të zhvilluar zgjidhje inovative për ndryshimet klimatike, sfidat mjedisore dhe kalimin në një ekonomi qarkore.

Qytetarët e 4 komunave ku pjesëmarrësit e rinj do të zbatojnw projektet e tyre (një projekt për secilën komunë) janë më të vetëdijshëm për rolet dhe përgjegjësitë e tyre në lidhje me mjedisin dhe ekonominë rajonale.

Organizatat jofitimprurëse, bizneset, institucionet arsimore dhe autoritetet lokale të 4 komunave kanë qasje në një rrjet multidisiplinor (rrjeti ToKeQark) ku ata mund të shkëmbejnë praktika të mira, të zhvillojnë projekte së bashku dhe të mbështesin iniciativat e të rinjve.

Projekti synon të promovojë qëndrueshmërinë ambientale dhe të zvogëlojë ndryshimet klimatike në katër komuna të Kosovës: Ferizaj, Fushë Kosovë, Graçanicë dhe Mitrovicë. Gjatë një periudhe prej 12 muajsh, projekti synon të lehtësojë zhvillimin e njohurive, aftësive, burimeve dhe rrjetëzimit që do i mundësojnë të rinjve dhe studentëve nga grupe të ndryshme sociale të hulumtojnë, zbulojnë dhe testojnë zgjidhje inovative për të trajtuar sfidat mjedisore dhe kalimin në një ekonomi qarkore.

Granti Institucional i financuar nga Smart Balkans ka qenë një faktor kyç në mbështetjen e Platforma CiviKos për të realizuar një sërë përmirësimesh dhe zgjerimesh të kapaciteteve të saj.

Kjo mbështetje financiare ka bërë të mundur përditësimin e dokumentacionit të brendshëm, duke përfshirë politikat dhe procedurat që rregullojnë funksionimin e organizatës. Ky proces ka ndihmuar në rritjen e transparencës dhe në forcimin e strukturave të brendshme të menaxhimit dhe llogaridhënies. Veç përditësimit të dokumentacionit, granti ka mundësuar që CiviKos të përmirësojë dhe zgjerojë shërbimin e saj informues. Kjo ka mundësuar ofrimin e informacionit më cilësor dhe të qasshëm për anëtarët dhe partnerët, duke përfshirë shpërndarjen e buletineve dhe përditësimin e faqes së internetit të organizatës për të reflektuar ndryshimet dhe risitë.

Një ndër arritjet më të rëndësishme me ndihmën e këtij granti ka qenë menaxhimi dhe operimi i Kosovo Funding Portal. Kjo platformë ka për qëllim të thjeshtojë qasjen në informacion për organizatat e shoqërisë civile në Kosovë, duke ofruar një bazë të dhënave të pasur për mundësitë e financimit dhe duke bashkuar donatorët me organizatat që kërkojnë fonde.

Ndiqni infografikën e mëposhtme që përmbledh arritjet e vitit 2023-2024, të Platformës Civikos.

“Analiza e nevojave dhe identifikimi i problemeve të diasporës kosovare” quhet raporti analitik i realizuar nga GERMIN në kuadër të projektit “Diaspora për avancimin e politikëbërjes në Kosovë.”

Raporti studimor bazohet në një rishikim të detajuar të hulumtimeve dhe analizave ekzistuese, të dhënave zyrtare nga Ministria e Punëve të Jashtme dhe Diasporës (MPJD), procesverbalet e Komisionit Parlamentar për Punë të Jashtme dhe Diasporë si dhe intervistave me anëtarët e diasporës.

Sfidat dhe mundësitë

1. Investimet dhe potenciali ekonomik: Kontributet financiare të diasporës vijnë kryesisht përmes remitancave. Megjithatë, ka nevojë për informacion dhe udhëzim më të mirë, stabilitet politik dhe ligjor dhe sundim të ligjit për të inkurajuar investime më të rëndësishme.
2. Arsimi dhe ruajtja e kulturës: Raporti thekson mungesën e arsimit plotësues të institucionalizuar në gjuhën shqipe dhe nevojën që qendrat kulturore të ruajnë lidhjen e diasporës me trashëgiminë e tyre.
3. E drejta e votës: Sigurimi i të drejtës së votës së diasporës mbetet një sfidë për shkak të barrierave ligjore dhe administrative.
4. Analiza krahasuese: Studimi krahason strategjitë e angazhimit të diasporës së Kosovës me modele të suksesshme nga Moldavia, Kroacia dhe Izraeli.

Rekomandimet

Raporti ofron një sërë rekomandimesh specifike për MPJD-në dhe KKPJD-në për të rritur angazhimin e diasporës ku ndër më të rëndësishmet janë:

1. Reforma të Politikave: Krijimi dhe implementimi i politikave që adresojnë nevojat dhe interesat e diasporës, duke përfshirë lehtësimin e investimeve dhe përmirësimin e infrastrukturës ligjore.
2. Koordinim më i Mirë: Përmirësimi i koordinimit ndërmjet institucioneve shtetërore dhe organizatave të diasporës për të siguruar një qasje të përbashkët dhe efektive.
3. Krijimi i Kushteve të Favorshme për Investime: Sigurimi i stabilitetit politik dhe ligjor, si dhe ofrimi i informacionit dhe mbështetjes për investitorët potencialë nga diaspora.

Përmbledhje

Gjetjet e raportit nënvizojnë rëndësinë e një përpjekjeje të koordinuar ndërmjet diasporës dhe qeverisë për të shfrytëzuar potencialin e plotë të kontributeve të diasporës në zhvillimin afatgjatë të Kosovës. Për të arritur këtë, është thelbësore që qeveria të ndërmarrë hapa konkret dhe të vazhdojë dialogun dhe bashkëpunimin me diasporën.

Për më tepër lexoni raportin: Analiza-e-nevojave-diaspora-Kosove-Germin

157 nxënës, anëtarë të Klubeve të Mediave të themeluara nga Qendra për Arsim e Kosovës (KEC), janë certifikuar nw trajnimin “Edukimi i Medias”, për angazhimin e tyre në kryerjen e aktiviteteve në 7 shkollat ​​e përfshira në projekt.

KEC fillimisht ndërtoi një rrjet funksional joformal të të rinjve nga shkollat ​​partnere të quajtur “Klubet e Mediave”, të cilët ndërmorën një sërë takimesh në shkolla të mesme të ndryshme në Kosovë, si në Mitrovicë, Suharekë, Viti etj., Të gjitha shkollat ​​kanë qenë novatore në zhvillimi i aktiviteteve ndërgjegjësuese lidhur me transformimin digjital.

Intervista me qytetarë të moshuar rreth teknologjisë, një ekspozitë arti me temë “Ndikimi i teknologjisë tek të rinjtë”, seminare dhe rekreacion sportiv, ishin iniciativat që ata ndërmorën, për të identifikuar dhe trajtuar rreziqet që lindin nga interneti dhe për të kontribuar në transformimin digjital social.

Qëllimi i këtij projekti është të fuqizojë të rinjtë, familjet dhe komunitetet për të identifikuar dhe trajtuar rreziqet që dalin nga interneti dhe për të kontribuar në transformimin digjital social. Objektivat specifike janë zhvillimi i ngritjes së kapaciteteve të të rinjve nga shkollat ​​e mesme të larta nëpërmjet ofrimit të trajnimeve, krijimit të partneriteteve ndërmjet shkollave, angazhimit qytetar dhe pilotimit të shërbimit në komunitet.