IDM Albania - SMART Balkans

NGO Community Building Mitrovica – C.B.M

Përmbledhja e projektit

Projekti synon të edukojë fëmijët në Kosovë për trafikimin e qenieve njerëzore, bazuar në të dhënat për situatën aktuale në vend, dhe të rrisë ndërgjegjësimin e brezave të rinj, veçanërisht në rajonin e Mitrovicës, ku përbërja etnike e grupeve tenton t’i bëjë ata më të cenueshëm ndaj trafikantëve. Raportet tregojnë se shumica e viktimave janë gra dhe komunitete të cenueshme, siç janë komunitetet rome, ashkali dhe egjiptiane.

Qëllimi i projektit

Qëllimi i projektit është të rrisë reagimin ndaj trafikimit të qenieve njerëzore dhe përpjekjet për ta luftuar atë, si dhe të rrisë ndërgjegjësimin e të rinjve për rreziqet e trafikimit të qenieve njerëzore. Kjo do të arrihet përmes zbatimit të kurrikulës kundër trafikimit të qenieve njerëzore në shkollat e rajonit të Mitrovicës dhe zhvillimit të workshopeve me nxënësit.

Grupet e synuara dhe përfituesit

Të rinjtë e rajonit të Mitrovicës

Aktivitetet kryesore

Workshop me të rinjtë;
Raporti Përfundimtar dhe Materialet Edukative

THE BALKAN FORUM

Përmbledhja e projektit

Projekti synon të adresojë kërcënimet në rritje të dezinformimit, të rrisë ndërgjegjësimin e qytetarëve, veçanërisht të rinjve, për identifikimin e informacionit të rremë, të promovojë bashkëpunimin midis organizatave të shoqërisë civile, mediave dhe aktorëve të tjerë për të luftuar dezinformimin dhe për të siguruar përhapjen e informacion të besueshëm dhe të saktë. Projekti synon të kontribuojë në sigurinë dhe stabilitetin në Kosovë dhe në Ballkanin Perëndimor duke parandaluar tensionet politike dhe etnike të shkaktuara nga narrativat e rreme.

Qëllimi i projektit

Qëllimi i projektit është të fuqizojë të rinjtë që të bëhen agjentë të ndryshimit.

Grupet e synuara dhe përfituesit

20 të rinj, 18-25 vjeç;
200 të rinj nga universitete/organizata/qendra rinore;
Komunitetet rreth të rinjve dhe audiencës së përgjithshme.

Aktivitetet kryesore

Trajnim njëditor për edukimin mediatik dhe vizita në media;
Punëtori njëditore, ndarje në grup dhe mentorim;
Prodhimi i vlog-ve;
Identifikimi i universiteteve/organizatave/qendrave rinore dhe përzgjedhja e 20 ‘Media Smart Ambasadorëve’ të ardhshëm;
Eventi final për prezantimin e vlogjeve;
Promovimi dhe avokimi për nevojën për të investuar në edukimin mediatik

Advocacy Center for Democratic Culture

Përmbledhja e projektit

Projekti synon të adresojë sfidat e fatkeqësive natyrore në Kosovë, veçanërisht në Mitrovicën e Veriut. Ai thekson nevojën për një qasje sistematike dhe përfshirjen e të gjithë sektorëve të shoqërisë për t’iu përgjigjur në mënyrë efektive dhe për të zvogëluar shkaqet e fatkeqësive. Projekti do të krijojë një ekip ndërgjegjësues, do të organizojë fokus grupe dhe seminare për zhvillimin e kapaciteteve, do të zbatojë një fushatë publike, do të mbajë takime me institucionet vendore dhe do të zhvillojë një plan lokal për reduktimin e rrezikut nga fatkeqësitë. Duke promovuar bashkëpunimin dhe ndërgjegjësimin, projekti kërkon të rrisë gatishmërinë dhe qëndrueshmërinë duke nxitur partneritete të qëndrueshme për ndikim afatgjatë dhe përsëritje të rezultateve në të gjithë rajonin.

Qëllimi i projektit

Qëllimi i projektit është të rrisë ndërgjegjësimin për rreziqet e fatkeqësive, ndryshimet klimatike dhe të promovojë kohezionin social midis anëtarëve të komunitetit për të siguruar rezultate afatgjata dhe për të rritur ndikimin në proceset vendimmarrëse.

Grupet e synuara dhe përfituesit

Anëtarët e komunitetit në Mitrovicën e Veriut;
Organizatat joqeveritare;
Institucionet vendore dhe vendimmarrësit:
Gratë dhe popullatat e margjinalizuara.

Aktivitetet kryesore

Organizimi i 4 fokus grupeve për ekipin e reduktimit të rrezikut nga fatkeqësitë;
Organizimi i workshopeve për rritjen e kapaciteteve;
Zhvillimi dhe zbatimi i një fushate publike online;
Organizimi i takimeve me përfaqësues të institucioneve vendore;
Krijimi i një plani lokal për reduktimin e rrezikut nga fatkeqësitë natyrore.

Kosovo Glocal

Përmbledhja e projektit

Projekti synon të adresojë sfidat dhe mangësitë në peizazhin mediatik të Kosovës dhe Ballkanit Perëndimor duke siguruar pavarësi financiare dhe editoriale për të prodhuar përmbajtje mediatike me cilësi të lartë dhe analiza kritike të çështjeve të rëndësishme. Objektivi është të sfidohet dominimi i interesave politike dhe ekonomike në politikat editoriale, duke siguruar gazetari me interes publik dhe pavarësi, dhe angazhimin e qytetarëve përtej ndarjeve gjuhësore dhe etnike në një proces të shkëmbimit të informacionit dhe mirëkuptimit kolektiv.

Qëllimi i projektit

Qëllimi i projektit është të stimulojë qytetarinë aktive dhe të menduarit kritik në Kosovë dhe në Ballkanin Perëndimor duke mbështetur prodhime të pavarura gazetareske që luftojnë dezinformimin, promovojnë të drejtat e njeriut dhe sigurinë njerëzore. Projekti synon të përmirësojë diskutimet ndërkufitare dhe të rrisë ndërgjegjësimin e qytetarëve për çështjet kyçe që lidhen me sigurinë njerëzore dhe qeverisjen lokale dhe rajonale.

Grupet e synuara dhe përfituesit

Të rinjtë;
Gratë;
Minoritete etnike;
Gazetarët;
Politikanët;
Aktivistë dhe qytetarë

Artikull: Getting by in Gorazdevac

Aktivitetet kryesore

Artikuj OP-ED;
Artikuj në Thelb
Prodhime multimediale të orientuara nga mediat sociale;

Gorazdevac Media Group (GMG)

Përmbledhje e projektit

Projekti synon të adresojë sfidat në sektorin e mediave në Kosovë. Mediat e pakicave në gjuhën serbe përballen me pengesa në ruajtjen e pavarësisë dhe konkurrencës. Projekti synon të forcojë mediat e pavarura dhe edukimin mediatik duke promovuar gazetarinë etike, duke mbështetur mediat në gjuhën serbe, duke rritur aftësitë e eukimit mediatik dhe duke nxitur mendimin kritik tek të rinjtë.

Qëllimet e projektit

Qëllimi i projektit është forcimi i burimeve të besueshme të informacionit përmes rritjes së angazhimit të audiencës dhe qytetarëve (gazetari me pjesëmarrje) në luftimin e lajmeve të rreme dhe dezinformatave brenda komunitetit serb në Kosovë.

Grupet e synuara dhe përfituesit

Albania FOKUS

Përmbledhja e projektit

Projekti synon të krijojë një rezidencë artistike të lëvizshme për fotografe nga Shqipëria dhe rajoni, duke përfshirë fotoreporterë dhe fotografë shtypi. Nëpërmjet kësaj rezidenciale synohet krijimi i një mjedisi të favorshëm mësimi dhe lehtësimi i shkëmbimit kulturor dhe profesional midis fotografëve. Projektet e zhvilluara nga fotografët do të ekspozohen në një ekspozitë kolektive në fund të rezidencës, duke portretizuar realitetin kompleks të rajonit dhe të luftojnë dezinformimin publik duke vërtetuar realitetin sipas etikës dhe profesionalizmit të tyre.

Qëllimi i projektit

Qëllimi i projektit është promovimi i fotografimit të realitetit social dhe historik në një mënyrë të orientuar drejt rrëfimit, duke luftuar dezinformimin dhe duke vërtetuar realitetin sipas etikës dhe ndërgjegjes së fotografëve. Në fund, projektet do të ekspozohen në një ekspozitë kolektive lëvizëse në disa qytete.

Grupet e synuara dhe përfituesit

Fotografë mediash;
Gazetarët;
Artistë;
Audienca e ekspozitës;
Media;
Pushteti vendor dhe qendror.

Aktivitetet kryesore

Takimet e Projektit;
Takimi i Artistëve;
Ekspozitat

Qendra “Tirana Art”

Përmbledhja e projektit

Projekti synon të rrisë ndërgjegjësimin dhe edukimin e publikut për dhunën ndaj grave dhe vajzave përmes shfaqjeve teatrale, me qëllim thyerjen e heshtjes dhe destigmatizimin e viktimave të dhunës, angazhimin e djemve dhe burrave në parandalimin e dhunës, inkurajimin e grave dhe vajzave për të raportuar raste të mundshme të dhuna, promovimi i të drejtave të njeriut përmes artit dhe reduktimi i stereotipeve dhe paragjykimeve gjinore. Projekti trajton pabarazinë dhe dhunën ndaj grave dhe vajzave duke identifikuar rrënjët në traditat dhe normat patriarkale, si dhe kontrollin ndër breza brenda familjeve.

Qëllimi i projektit

Qëllimi i projektit është ndërgjegjësimi, sensibilizimi dhe edukimi i publikut për dhunën ndaj grave dhe vajzave përmes artit (shfaqje teatrale). Për më tepër, theksi i saj është në thyerjen e heshtjes dhe destigmatizimin e grave dhe vajzave që janë viktima të dhunës, duke sfiduar paragjykimet, stigmatizimin dhe tabutë që lidhen me to, duke përfshirë dhe angazhuar djemtë dhe burrat në parandalimin e dhunës, duke inkurajuar gratë dhe vajzat që të raportojnë çdo rast të mundshëm të dhunës, promovimit të të drejtave të njeriut përmes artit dhe reduktimit të stereotipeve dhe paragjykimeve gjinore.

Grupet e synuara dhe përfituesit

Të rinjtë
Djem dhe burra;
Përfaqësues të institucioneve publike vendore dhe të zbatimit të ligjit.

Aktivitetet kryesore

Shfaqja artistike në Tiranë;
Shfaqja artistike në Korçë;
Shfaqja artistike në Shkodër;
Shfaqja artistike në Durrës.

Albanian Center for Quality Journalism

Përmbledhje e projektit

Projekti synon të krijojë një grup profesionistësh të medias me njohuri të thella për procesin e anëtarësimit, ligjet kyçe dhe politikat e Bashkimit Evropian (BE), në mënyrë që të promovojë bashkëpunimin e ngushtë midis palëve të interesuara dhe t’i ofrojë publikut informacion mbi çështjet që lidhen me antarësimin e Shqipërisë në BE. Projekti do të gjenerojë produkte multimediale si podkaste dhe video informative dhe zhvillojë artikuj të thelluar të shkruar nga gazetarë profesionistë.

Qëllimi i projektit

Qëllimi i projektit është të rrisë ndërgjegjësimin e publikut për rëndësinë e pjesëmarrjes aktive në proceset e integrimit evropian dhe të rrisë kapacitetin për ndërhyrje nëpërmjet aktorëve të shoqërisë civile dhe mediave.

Grupet e synuara dhe përfituesit

Profesionistë të medias;
Shoqëria civile;
Publiku i gjerë.

Aktivitetet kryesore

Zhvillimi i 5 podkasteve;
Prodhimi i 5 videove informative;
Zhvillimi i një seminari 2-ditor;
Zhvillimi i 2 artikujve hulumtues

Gledis Gjepali – Shqipëria në Bashkimin Evropian? – [Episodi 4]

Anjeza Dervishaj – Shqipëria, politikat për mbrojtjen e të dhënave personale – [Episodi 6]

Eksperti Geron Kamberi – Integrimi Evropian – [Episodi 8]

Juristja Erisilda Shpata – Të Drejtat e Njeriut dhe Barazia Gjinore në Shqipëri – [Episodi 9]

Anila Shehi Dollani: Shqipëria në BE [Episodi 11]

Albanian Woman in Audiovisual AWA

Përmbledhja e projektit

Projekti synon të analizojë dhe shqyrtojë dinamikën e paeksploruar të lëvizjes feministe në Shqipëri përmes një sërë podkastesh, duke theksuar rolin e kulturës, medias dhe shoqërisë në formimin e saj. Ky projekt inkurajon nisjen e një debati mbi rolin dhe pozicionin e gruas në shoqëri, si dhe të sfidojë stereotipet dhe të krijojë hapësirë për zërat alternative feministe, duke lejuar diskutimin e identiteteve të margjinalizuara dhe integrimin e diskursit feminist në median shqiptare.

Qëllimi i projektit

Qëllimi i projektit është të trajtojë dinamikën e paeksploruar të lëvizjes feministe në Shqipëri përmes një sërë podkastesh. Qëllimet specifike të projektit përfshijnë krijimin e një hapësire shumë të nevojshme për debat mbi rolin dhe pozicionin e gruas në shoqëri, mbledhjen e provave nga histori reale dhe aspekte kulturore në të gjithë territorin, ngritjen e një diskutimi mbi dinamikën e amësisë dhe prindërimit si sfida për feministet në Shqipëri, duke analizuar sfidat e agjendës liberale në ndryshimin e dinamikave patriarkale në kulturën shqiptare, si dhe përmirësimin e aftësive të gazetarëve, gra dhe burra, për të shqyrtuar dinamikat kulturore dhe për të nisur debate për këto çështje.

Grupet e synuara dhe përfituesit

Gratë dhe vajzat në media;
Gazetarët;
Skenaristët;
Prodhuesit;
Botuesit;
Antropologë;
Studiues dhe etnografë të kulturës.

Aktivitetet kryesore

Seria e podkasteve “Hijet e fshehura të feminizmit”;
Laboratorë për krijimin e përmbajtjes për studentët e komunikimit dhe gazetarisë.

Episodet e plota mund t’i gjeni këtu: “Hidden Shades of Feminism”;

Institute for Strategic Development Center

Përmbledhja e projektit

Projekti synon të adresojë sfidat dhe nevojat e të rinjve në kontekstin e anëtarësimit të Shqipërisë në Bashkimin Evropian. Pjesëmarrja e të rinjve në proceset politike në Shqipëri dhe rajon mbetet e ulët, kryesisht për shkak të migrimit të tyre dhe mungesës së hapësirave mbështetëse për përfshirjen e tyre. Për të përmirësuar këtë situatë, është e nevojshme të zhvillohen dhe zbatohen politika specifike që adresojnë kërkesat e të rinjve, ofrojnë informacion të synuar, promovojnë edukimin qytetar dhe vendosin mekanizma politikë për komunikimin dhe ndërveprimin e tyre me institucionet shtetërore. Për më tepër, është e rëndësishme që të rinjtë të përfshihen në proceset politike dhe vendimmarrëse për të adresuar çështjet e tyre, duke u fokusuar në qëllimet e zhvillimit dhe politikat rinore.

Qëllimi i projektit

Qëllimi i projektit është fuqizimi i Këshillit Rinor Lokal në mënyrë që ato të kenë një rol të rëndësishëm në proceset vendimmarrëse lokale duke krijuar një sistem mbështetës dhe organizativ për të rinjtë dhe duke promovuar ndërgjegjësimin e anëtarëve të Këshillit Rinor Lokal.

Grupet e synuara dhe përfituesit

Të rinjtë që janë të përfshirë në bordet rinore, këshillat rinorë;
Aktivistë të angazhuar në strukturën e Këshillit Rinor Lokal në komunën e tyre.
Administrata publike vendore;
Anëtarët e Këshillave Rinor Lokale.
Votuesit për herë të parë;
Të rinjtë, organizatat rinore dhe të gjithë aktorët e interesuar për fuqizimin e të rinjve në nivel lokal dhe kombëtar.

Aktivitetet kryesore

Organizimi i takimeve prezantuese të projekteve në bashkinë Divjakë dhe bashkinë Fushë-Arrëz;
Sesione pune/takime konsultative me grupet e synuara;
Hartimi i një plani pune për përgatitjen e modeleve të akteve të brendshme rregullatore për Këshillat Rinor Lokal;
Finalizimi i modeleve të akteve rregullatore dhe përgatitja për miratimin e Rregullores për Funksionimin e Këshillit Rinor Lokal në Bashkitë Divjakë dhe Fushë-Arrëz;