Partneri i konsorciumit Smart Balkans IDM Albania organizoi në datë 20.04.2023 ceremoninë e nënshkrimit të marrëveshjeve të grantit me organizatat fituese në raundin e parë të aplikimet për grante për Iniciativat Lokale, Grante për Media dhe Grante Kreative, në kuadër të projektit rajonal SMART Balkans.
Në thirrjen publike për aplikim për Shqipërinë aplikuan 141 organizata, grupe informale dhe kompani mediatike. Aplikantët fitues në këtë thirrje do të zbatojnë projektet e tyre në një periudhë nga 6 deri në 12 muaj, duke mbuluar një sërë tematikash të rëndësishme në fushat tematike të projektit SMART Balkans. Organizatat fituese në linjën e granteve Iniciativa Lokale do të zbatojnë 9 projekte në bashki të ndryshme të Shqipërisë, të fokusuara në tema të rëndësishme në nivel lokal. Gjithashtu vlen të përmendet se një nga risitë e SMART Balkans janë Grantet Kreative, që mbështesin organizatat dhe grupet artistike që duan të përcjellin mesazhe të rëndësishme shoqërore përmes artit. Organizatat e shpërblyera në këtë linjë granti do të organizojnë shfaqje teatrale dhe një ekspozitë fotografike nomade. Gjithashtu, nëpërmjet Granteve për Media do të realizohen dy seri podkastesh mbi feminizmin dhe proceset integruese të Shqipërisë në BE.
Ne jemi shumë entuziastë për fillimin e bashkëpunimit me këto organizata dhe i urojmë suksese në zbatimin e projektit të tyre.
Organizatat fituese në linjën e Iniciativa Lokale:
- Albanian National Assocation of the deaf
- Institute for Strategic Development Centre
- Forumi i Politikave të Integrimit
- Social Inclusion for Development
- Perdorusit e pyjeve e kullotave dhe mbrojtja e mjedisit SIRA
- For Social and Environmental Welfare Berat
- Shoqata Kombetare Edukim per Jeten
- Qendra për Drejtësi Gjinore në Shqiperi
- Levizja Rinore Egjyptiane dhe Rome
Organizatat fituese në linjën e Granteve Kreative:
- Albania FOKUS
- Qendra “Tirana Art”
Organizatat fituese në linjën e Granteve për Media:
- Albanian Woman in Audiovisual AWA
- Albanian Center for Quality Journalism
