Përmbledhja e projektit
Projekti synon të adresojë çështjen e pasivitetit të të rinjve në komunën e Kamenicës dhe mungesën e përfshirjes së pushtetit lokal në komunikimin publik duke fuqizuar një grup të rinjsh nga ky komunitet në fushën e qeverisjes lokale dhe monitorimin e punës së institucioneve vedore. Grupi i përzgjedhur do të jetë i balancuar për sa i përket përfaqësimit gjinor dhe territorial, si dhe do të promovojë transparencën dhe llogaridhënien në qeverisjen vendore për të mirën e qytetarëve.
Qëllimi i projektit
Qëllimi i projektit është të rrisë ndërgjegjësimin e të rinjve për sistemin e qeverisjes lokale të Kamenicës dhe të rrisë transparencën dhe llogaridhënien e qeverisjes lokale përmes shpërndarjes së duhur të informacionit tek komuniteti lokal. Nëpërmjet aktiviteteve të angazhimit të të rinjve, qëllimi është rritja e ndërgjegjësimit të tyre për funksionimin e institucioneve vendore dhe inkurajimi i tyre që të përfshihen dhe të kenë ndikim në proceset vendimmarrëse. Gjithashtu, projekti synon të informojë komunitetin lokal për zhvillimet aktuale dhe të krijojë një kanal të hapur dhe të drejtë komunikimi ndërmjet qeverisjes vendore dhe qytetarëve.
Grupet e synuara dhe përfituesit
- Të rinjtë e moshës 18-24 vjeç;
- Zyrtarët e Komunës së Kamenicës (kryetar, drejtorë, nëpunës civilë);
- Qytetarët e Komunës së Kamenicës.
Aktivitetet kryesore
- Monitorimi i seancave të Kuvendit Komunal;
- Prodhimi i përmbajtjes tematike lidhur me qeverisjen vendore.
