Përmbledhja e projektit
Projekti synon organizimin e një festivali ndërkombëtar të animacionit në Kosovë, konkretisht në qytetin e Pejës. Ai përfshin ndër të tjera shfaqjen e 250 filmave të animuar, zhvillimin e tre skenarëve të animacionit dhe Akademinë e Animacionit. Projekti adreson sfidat me të cilat përballet sektori kulturor dhe artistik në Kosovë duke promovuar animacionin, kulturën dhe artin si mjete të aktivizmit qytetar. Ai synon gjithashtu të rrisë aftësitë, mundësitë e prodhimit dhe shkëmbimet kulturore.
Qëllimi i projektit
Qëllimi i projektit është të shfrytëzojë kulturën dhe filmin për të rritur ndërgjegjësimin shoqëror dhe zhvillimin e kapaciteteve për përdorimin e filmit si mjet edukativ, ngritjen e vëmendjes ndaj çështjeve sociale dhe të të drejtave të njeriut përmes animacionit dhe platformës së festivalit, përmirësimin e zhvillimit artistik, fuqizimin e të rinjve dhe krijimin e rrjeteve me industrinë e filmit të animuar në Kosovë dhe vendet fqinje.
Grupet e synuara dhe përfituesit
- Artistët dhe animatorët e rinj në Kosovë;
- Audienca kinematografike në Kosovë;
- Artistë profesionistë nga rajoni;
- Bashkësitë lokale dhe komunat.
Aktivitetet kryesore
- Festivali Ndërkombëtar i Animacionit Anibar;
- Programi Pitching.
