CRPM North Macedonia - SMART Balkans

Втора национална конференција во С. Македонија: СМАРТ Балкан – Граѓанско општество за поврзан Западен Балкан

Во рамки на проектот СМАРТ Балкан се организира втора Национална конференција, која ќе се одржи на 08 јуни 2023 во х. Александар Палас, со почеток во 09:30 часот.

Фокусот на панел дискусијата на годинашнава конференција ќе биде на управување со кризи и јакнење на локалните капицитети за спречување на насилство и насилен ектремизам.

Конференцијата претставува одлична можност за дискусија на актуелни теми и вмрежување на граѓанските организации, а ќе бидат споделени и информации за претстојниот повик за регионални грантови. На конференцијата ќе бидат потпишани и договорите со добитниците на грантови од грантовата линија – Национални интервенции.

Имајќи предвид дека настанот ќе биде од хибриден карактер, бројот на учесниците со физичко пристуство е ограничен. Ве замолуваме навремено да се регистрирате на линкот во продолжение и да го одберете начинот на кој што сакате да го следите настанот (физичко присуство/онлајн).

Линк за регистрација

СМАРТ Балкан проектот, финансиран од Министерството за надворешни работи на Кралството Норвешка, го спроведува конзорциумот на организации: Centar za promociju civilnog drustva (CPCD) од Босна и Херцеговина, во партнерство со Центарот за истражување и креирање политики (ЦИКП) од Северна Македонија и Институтот за демократија и медијација (ИДМ) од Албанија.

Здружение на граѓани НВО КХАМ Делчево

Резиме на стратешката ориентација на организацијата

Невладина организација КХАМ Делчево е граѓанска организација која преку информирање, едуцирање, влијание врз политики и обезбедување услуги им помага на Ромите и маргинализираните групи и жените да се ангажираат за да ги остварат своите граѓански права и да ја подобрат својата економска положба.

Области на кои НВО ,,КХАМ“ делува се:

образование
невработеност
здравство
домување
човекови права
постигнување на родов баланс
млади
развој на внатрешните капацитети на КХАМ

Корисници

Четиринаест НВОи и нивните конституенти,а врз основа на транспарентниот пристап на добиените информации од Инспекторатите и целокупното население од Општина Делчево. На овој начин жителите на Делчево ќе можат да ги користат Инспекторатите согласно нивната превентивна улога и целите за кои се формирани.

Организација за домување и станари ОДС

Резиме на стратешката ориентација на организацијата

Организацијата за домување и станари – ОДС е Здружение на граѓани основано во 2022 година, како организација за унапредување на домувањето, животните услови и правата на станарите во Република Северна Македонија.

ОДС е организација која спроведува анализи на состојбите, статусот и правата на станарите и домувањето, изработува стручни мислења, нуди решенија за унапредување на правната рамка и надминување на проблемите со кои се соочуваат станарите во Македонија. ОДС спроведува програми и активности за подигнување на свесноста за правата на достоинствено и пристапно домување за сите граѓани и презентира разни глобални иновации од светот во однос на домувањето.

ОДС се залага за кревање на јавната свест и знаење за станарите како специфичните форми на домување и се стреми да влијае врз актуелните текови за позитивни општествени промени.

Корисници

Mладите луѓе во Скопје се борат да пристапат до безбедно, достапно и соодветно домување. Факторите како што се сиромаштијата, невработеноста и високите трошоци за живот може да им отежнат на младите луѓе да најдат и одржуваат пристојно домување. Нашиот проект се заснова на обединет напор на организациите за домување од Босна, Северна Македонија и Црна Гора да работат на активно вклучување на младите во изнаоѓање на решенија за нивно соодветно домување

Важен е фактот што студентите кои живеат во студентските домови многу ретко се активни во граѓанските организации. Затоа овој проект ќе има клучна улога во поддршка на потребите на младите и нивно активно ангажирање и вклучување во акции на тема соодветно домување.

Неформална група СКОРО

Членови на неформалната група: Виктор Бужаров, Наталија Славковска, Никола Ристески, Матеа Јанковска, Ивана Атанасова, Филип Куновски, Александар Бошков.

Тоа што ја соединува оваа група на артисти е креирање на проактивна содржина инспирирана од социјалните случувања и за потребите на општеството. Групата е креирана по самоиницијатива на сите членови, наоѓајќи заеднички интерес во креирање на перформанс кој ќе биде гласноговорник за оние кои не можат или не смеат да говорат за себе.

За проектот

Проектот е констуиран со цел да биде применлив за широката јавност и цели да ги ги опфати сите лица постари од шеснаесет години без разлика на нивната родова или етничка припадност. „Два пати Мери“ е проект кој што се фокусира да ја зголеми јавната свест за неопходноста на поддршка за лицата жртви на насилство првенствено од општеството во социјален аспект и следствено на тоа од државните институции. Перформансот ги адресира ограничувањата што македонското општество ги има со тоа што се става себе во позиција на мегафон на жртвите на насилство и истовремено гарантирајќи ја нивната анонимност со цел во иднина да исчезне табуизирањето на жртвите и да придонесе на здрава и демократска дискусија за тековните проблеми. Во ова отфрлањето на табуата е лоцирана главната потреба од граѓанскиот сектор.

Центар за едукација и развој – ЦЕД

Резиме на стратешката ориентација на организацијата

Центарот за едукација и развој (ЦЕД) е основан во 2006 година во Тетово, Македонија, со цел да инспирира критичко размислување и развој на младите преку неформално образование и волонтирање. Како организација се залагаме да инвестираме во развојот на младите преку неформално образование, младинска работа и волонтирање, со цел да се мотивираат креативни иницијативи и соработки меѓу етницитетите кои живеат во регионот.

Организацијата идентификуваше пет стратешки насоки за дејствување, како што се: институционален развој, образование, екологија и интеркултурно учење, користејќи ги за постигнување на три вредности: соработка, образование и еднаквост.

Нашата мисија: да инвестираме во развојот на младите преку неформално образование, волонтирање и младинска работа, поттикнување креативни иницијативи и меѓусебна соработка. Нашата визија: Младите луѓе имаат вештини, знаења и ставови да преземаат иницијативи и да изградат здрава и развиена заедница каде мирно коегзистираат различни етникуми.

Корисници

Во рамките на проектот Smart Balkan, придобивки од нашата работа ќе имаат младите од општина Боговина и општина Теарце, кои ќе имаат младински стратегии. Локалните организации како што се Локалните младински совети и институциите на локалната самоуправа како што се општините, исто така, ќе имаат корист овде.

Центар за социјални иницијативи НАДЕЖ

Резиме на стратешката ориентација на организацијата

Ц.С.И. НАДЕЖ работи активно на полето на поддршка на ранливите групи преку проекти за:

поддршка во образованието на деца и млади, со акцент на Роми
поддршка во интеграција на девојки преку овозможување пристап до образование и понуда на активности за исполнување на слободното време
жените, исто така се опфатени со поддршка за да ја подобрат својата социјална и економска состојба преку развој на долгорочни механизми за самопомош
поддршка и помош на едукативниот процес, социјална интеграција на децата и младите и поддршка на мултиетничка димензија меѓу различни националности во рамките на заедницата
реинтеграцијата на лица доброволни повратници од Европските земји, преку обезбедување на помош и поддршка, за нивно поуспешно интегрирање во општествените процеси.

Од 1997 година до денес, Ц.С.И. Надеж има дадено поддршка на повеќе од 6950 деца, 1670 млади, 2150 жени, 185 постари личности, 5565 семејства и 989 повратници (баратели на азил) во Скопје и 337 повратници во другите градови во Македонија преку реализираните проекти и активности.

Корисници

Корист од реализирање на проектот “Иницирај – Реализирај – Промени” ќе имат следниве целни групи:

-локалната зедница

-локалната самоуправа

-основни училишта

-деца во основни училишта

-пошироката јавност

Преку онлајн анкета ќе се мапираат капацитетите на локално ниво, како и акти и процедури кои се користат за постапување во случај на елементарни непогоди и закани.Сето тоа ќе претставува идна насока за работа на формираната работна група која донесат препораки за подобрување/унапредување на постоечкит планови/процедури за постапување во случај на елементарни непогоди, на локално ниво.Преку воспоставување на добра соработака меѓу локалните училишта, општинската организација на Црвениот Крст , Дирекцијата за спасување, МВР и локалната власт ќе се реализира обука и симулациони вежби во најмалку 4 училишта на локално ниво.Со оваа обука ќе се формирааат и обучат најмалку 4 ученички превентивни тимови на локално ниво.Едно пилот учлиште во раммки на оваа иницијатива ќе добие истакнати планови за евакуација на видно место со јасно одбележани излези во училиште. Во текот на целиот проект ќе се спроведува промотивна кампања на социјалните медиуми за подигнување на свеста на пошироката јавност на локално ниво за иницирање и вклучување во иницијативи за превенција од елементарни непогоди и закани.

Здружение за рурален развој ЛАГ Агро Лидер

Резиме на стратешката ориентација на организацијата

Здружението за рурален развој ЛОКАЛНА АКЦИОНА ГРУПА АГРО ЛИДЕР Кривогаштани е доброволно, непрофитно, невладино, непартиско здружение, формирано со слободно здружување.
Основањето на ЛАГ АГРО ЛИДЕР овозможува заедничка соработка на јавниот, приватниот и граѓанскиот сектор, а преку информирање, едукација и активирање на населението ќе обезбеди долгорочен развој на руралните средини на територијата на Општините Долнени, Прилеп, Кривогаштани и Крушево

Мисијата на ЛАГ Агро Лидер е да промовира и да придонесекон одржлив рурален развој на територијата на Општина Долнени, Прилеп, Кривогаштани и Крушево преку иницијативи, партнерства и користење на постоечкиот ендоген потенцијал преку заедничка соработка на јавниот, приватниот и граѓанскиот сектор Агро Лидер постапува согласно 7те принципи на ЕУ ЛЕАДЕР пристапот: Локална стратегија за развој заснована на одредена област, Локално јавно-приватно партнерство, Пристап “од долу нагоре”, Интегриран и повеќе секторски пристап, Иновации, Соработка и Вмрежување.

Стратешки цели и приоритети
1. Да се зголеми вработеноста во руралните средини, особено вработувањето на млади лица и жени
2. Подобрување на конкурентност во земјоделско-преработувачкиот сектор
3. Да се заштити животната средина на територијата на ЛАГ-от
4. Да се подобри квалитетот на живот во руралните средини
5. Да се зајакне интитуционално ЛАГ-от

Корисници

Основањето на ЛАГ АГРО ЛИДЕР КРИВОГАШТАНИ овозможува заедничка соработка на јавниот, приватниот и граѓанскиот сектор, а преку информирање, едукација и активирање на населението ќе обезбеди долгорочен развој на руралните средини на територијата на Општините Долнени, Прилеп, Кривогаштани и Крушево.

ЛАГ Агро Лидер на населениетово руралните средини им овозможува:

Развивање на мрежа на партнери на територијата на која делува ЛАГ;
Информирање на јавноста во руралните средини за принципите на одржливиот рурален развој и ЛЕАДЕР пристапот;
Создавање на професионални, оперативни, материјални и физички предуслови за заедничко планирање, подготока и спроведување на развојни проекти на територијата на која делува ЛАГ-от;
Промовирање на концептот на одржлив развој преку подобра употреба со користење на пристапот “оддолу-нагоре” согласно политиката за рурален развој и регионалната политика на ЕУ;
Поставување на приоритети за развој на руралните средини;
Залагање за истражување и примена на алтернативни технологии за производство на енергија: сончева, хидро и енергија на ветерот и рационално трошење на на енергијата добиена од класични извори на енергија во руралните средини;
Промовирање на иницијативи за да се постигнат целите на ЛАГ-от, во согласност со Статутот и принципите на ЛЕАДЕР пристапот;
Застапување и лобирање пред одговорните институции во Република Македонија и странство за прашања кои ги засегаат членовите;
Следење на законодавството и објави за јавни повици, фондовите и можностите за финансирање од интерес на членовите на ЛАГ-от и нивно информирање;
Планирање и подготовка на заеднички проекти за рурален развој на територијата на која делува ЛАГ-от;
Пријавување и спроведување на проекти за рурален развој;
Давање на советодавна и техничка поддршка на членовите на ЛАГ-от за подготовка и изработка на проектната документација;
Соработка со други ЛАГ-ови, агенции за развој, образовните институции и надлежните органи со цел едукација на своите членови и спроведување на заеднички проекти и активности,
Градење на капацитетите на членовите и други заинтересири страни на територијата на која делува, преку организирање и одржување на обуки, работилници, научни и стручни советувања и сл;
Организација на студиски и стручни патувања;
Соработка со сродни домашни и меѓународни организации; и
Соработка со надлежните органи во Република Македонија и ЕУ, како и размена на искуства и знаења со другите заинтересирани страни во областа на руралниот развој.

Организација на жени од Струмица

Резиме на стратешката ориентација на организацијата

Организација на жени од Струмица (ОЖС) е основана во 1991 година и повеќе од триесет години работи на промовирање и застапување на политики базирани на еднакви можности и родова еднаквост, на недискриминација и ненасилство врз жените и девојчињата
Стратегијата на ОЖС се фокусира на подобрување на положбата на жените и девојките преку застапување, мобилизација и јакнење на нивните капацитети за вклучување во процесите на планирање и одлучување, како и на поттикнување, промовирање и застапување на политики на интегриран пристап за превенција и заштита од родово базирано насилство.
Се стремиме за обезбедување на поголема одговорност од носителите на одлуки и институциите за унапредување на родовата еднаквост и заштита на женските права.
Нашите стратешки определби се насочени и кон одржливо и професионално работење преку примена и почитување на процедурите за транспарентно и отчетно работење, на следење и оценување на успешноста на внатрешното организациско работење и преку соработка со жени и девојки од урбани и рурални средини, сродни домашни и меѓународни граѓански организации и со институции за прашања кои се од заеднички интерес.

Корисници

Жените и девојките од урбаните и руралните средини, жртвите на родово базирано насилство, членовите и волонтерите на ОЖС, младите, граѓанските организации и неформалните групи кои работат на полиња блиски до Организација на жени од Струмица, надворешните соработници, носителите на одлуки, институциите, медиумите и општата јавност.

Здружение на граѓани РУБИКОН Скопје

Резиме на стратешката ориентација на организацијата

Здружението РУБИКОН делува на

Промоција на неформалното образование меѓу граѓаните, со акцент на деца и млади и професионалци кои работат со деца и млади
Развој на граѓанското општество, демократијата и демократските институции
Промовирање и унапредување на заштитата на човековите права и слободи граѓанските вредности и правата на ранливите категории на граѓани во општеството;

Фокусот за следниот период е продолжување на дваесет и петгодишните заложби за што поголема вклученост на деца и млади во неформална едукација.

Рубикон продолжува со организирање активности, тренинзи, едукации со деца и млади и нивните родители, наставен кадар за врсничко насилство, за намалување на поларизираноста кај младата популација и за јакнење на личниот интегритет и справување со коруптивните практики во млада возраст. Тимот на Рубикон ќе го продолжи континуитетот во јакнење на професионалните капацитети на вработените во системот на детска заштита.

Преку акредитираната програма „Справување со врсничко насилство и кибернасилство“ на Бирото за развој на образованието, Рубикон ќе продолжи да делува на национално ниво во полето на превенција и справување со врсничко насилство за наставници, стручни служби и ученици во основно и средно образование.

Предложување на иницијативи, мерки и активности на надлежните органи, институции и стручни служби со цел унапредување на регулативата во областите на делување на Здружението;

Преку уникатната форум театарска техника Рубикон го продолжува третирањето на општествените проблеми и ги зајакнува личните капацитети. Рубикон ќе ја одржува воспоставената мрежа и долгорочна соработка со партнер организации и ќе поттикнува нови партнертства и соработки.

Корисници

Средношколци и наставен кадар – преку форум театарските претстави ќе стекнат увид, јасна слика и знаења за поимот корупција, како и вештини за справување за пријавување на коруптивно однесување. Ќе се подигне свесноста за распростанетоста на корупцијата во сите сегменти на општественото живеење.

Млади политичари – преку споделување на ставовите и мислењата ќе се овозможи градење на унифицирана перцепција за фактичката состојба со корупцијата во државата. Младите политичари ќе имаат унапреден личен интегритет, индивидуална одгворност, проактивност и нулта толеранција за корупција

Јавна администрација – На работните состаноци ќе се анализира годишната програма во областа на превенција и справување со корупцијата. Ќе стекнат увид во фактичката состојба, како и во функционалноста и примената на Програмата со сите планирани активности.

Женска акција – Радовиш

Резиме на стратешката ориентација на организацијата

Женска акција е основана во 2005 година со цел создавање на поволни услови за организиран пристап и постојана општествена активност на жените во општина Радовиш и пошироко, обезбедување на соодветна застапеност на жената во сите сфери на јавниот и политичкиот живот во државата, следење, спроведување и применување на меѓународни конвенции и декларации за заштита на жената и нејзините права, афирмирање на културата на живеење на жената и семејството, социјална и здравствена едукација на жената, јакнење на социо – економската положба на жената на локално и национално ниво и заштита на жената од семејно насилство.

Имајќи во предвид дека нееднаквите можности во пристапот можат да доведат до голем родов општествен и економски јаз, стратешките определби на Женска акција се фокусирани на подобрување на положбата на жените преку мобилизација и застапување на жените, јакнење на нивните капацитети преку едукација, охрабрување и мотивирање за нивно активно вклучување во креирањето политики на локално ниво, превенција од родово базирано насилство и економско јакнење на жената.

Корисници

Активностите на Женска акција се насочени кон подобрување на жените и девјките од урбаните и рурални заедници, жртви на родово базирано и семејно насилство, невработени, адолесценти, жените од сите етникуми, локалните женски НВО и институции. ЕЛС Радовиш и Конче.исто така имаат корист поради тоа што нашите стратешки заложби водат кон исполнување на стратешките приоритети утврдени од страна на општините.