CRPM North Macedonia - SMART Balkans

Здружение на граѓани Медиа Плус Штип

Резиме на стратешката ориентација на организацијата

Наша цел е зајакнување на граѓанското општество и преку медиумската заедница да се влијае на општествените текови и општествена одговорност. Ние ги насочуваме медиумите да ја извршуваат својата јавна функција, независно од нивната сопственост. Ние организираме промотивни настани и активности, ги доближуваме граѓаните до медиумскиот свет, постигнуваме интерактивност и комуникација на сите делови во општеството.

Сметаме дека иднината на демократското општество во Македонија е во заеднички дијалог со сите фактори во општествениот живот. Работиме на промена на свеста на граѓаните за нивно влијание со цел подобар општествен живот на локално, регионално и национално ниво.

Формата на застапување и лобирање во име на своите конституенти е преку учество во работни групи за донесување и измени на законски решенија, дебати, јавни расправи, фокус групи и конференции.

Корисници

Корист од спроведените активности ќе имаат: Млади, Совети на родители, училишта, граѓани-општа јавност.

Активностите на проектот, односно едукативните работилници, директно инволвираат млади луѓе и родители, кои ќе слушаат, но и споделуваат искуства и ставови на современи и атрактивни теми, како сајбер безбедноста и праватноста, дигиталната злоупотреба и манипулација.

Учеството во работилниците е можност да видат дека не се сами и единствени во овие тнр. дигитални инциденти и обидите за нарушување во нивната приватност.

Видео лекциите и јавната кампања со цел поширока едукација на населението за дезинформации,, како дел од активностите на проектот, е продолжение на напорите за дополнителна едукација и дава дополнителна влијание и на општата јавност.

Доброволно противпожарно друштво Свети Николе

Резиме на стратешката ориентација на организацијата

Стратешката ориентација на организацијата е придонес кон подигната јавна свест, поодговорно однесување на целокупното население и зголемена координација и соработка со релевантните локални, државни институции и бизнис заедницата, во насока на подобрена едукација на населението, а посебно на младите, со цел намалување на ризик факторите причинители на пожари, елементарните непогоди, сообраќајни несреќи, епидемии и огромните последици предизвикани од истите врз човекот и природата. Превземање на перманентни директни и превентивни кампањи за зголемување на еколошка свест на населението за заштита на животната средина и природата. Зајакнато застапување пред релевантните државни чинители за носење на нов Законот за пожарникарство, компатибилен со најнапредните противпожарни сервиси од Европската унија, со цел унапредување на противпожарниот и спасувачкиот сектор во државата. Формирање на национална Мрежа на ДПД^-а, за успешно застапување пред релевантните државни и локални чинители со цел добивање на константна и стабилна државна финансиска поддршка, унапредување на меѓусебната соработка на друштвата, како и превземање на иницијативи за идни регионални и континентални поврзувањета во мрежи. Унапредување на родовата еднаквост и еднаквите можности, за активно вклучување на жените во т.н. „машки професии“, во кои нашата е убедливо прва во светски рамки. Континуирана промоција на хуманоста, волонтерството и граѓанскиот ангажман. Во следниот период нашата ГО, преку своите органи и тела ќе цели кон подобрување на човечките капацитети, финансиска одржливост, транспарентноста и отчетноста, функционалноста на управните тела, подобрување на внатрешните процедури, зголемување на видливоста и препознатливоста на организацијата пред потенцијалните поддржувачи и донатори, зголемување на платениот персонал, бројот на волонтери и родовата застапеност.

Корисници

Краен бенефит од сите активности и продукти од работењето на нашата граѓанска организација ќе има целокупната заедница и природата, преку спроведување на пермамнентни комплементарни едукативни и информативни кампањи, пред образовните институции, бизнис заедницата, релевентните државни и локални чинители и општата популација, ставајќи посебен акцент на децата и младите, за стекнување на основни знаења за градење на животни вештини за правилна реакција и постапување при настанување на пожари, останатите елементарни непогоди, сообраќајни несреќи и епидемии. Неопходноста на спроведување на ваквите кампањи е непостоењето на соодветна едукативна програма за противпожарна безбедност во образовен систем на државата. Со директни акции на нашата противпожарна единица во процесот на справување со сите видови на инциденти и преку реализација на еколошки и други општествено одговорни кции, позитивно ќе влиаеме на целокупната популација за потенцирање и промоција на подзаборавените општествени вредности: хуманост, солидарност, волонтерство и граѓански активизам. Во креирање на јавните политики ќе ставиме силен акцент на вклучување на жените воо така наречените „машки професии“.

ТРД ТВ СТУДИО ТЕРА МАНГОВСКИ ЗОРАН БИТОЛА ДООЕЛ

Резиме на стратешката ориентација на организацијата

Тера телевизија во текот на своето 30 годишно работење реализирала бројни проекти со што стекнала големо искуство. Својот кадар го надградувала на разни обуки и семинари, благодарение на што нашата медиумска куќа се одликува со висок професионализам во работењето. Независна и професионална, сервис на граѓаните, креатор на јавното мислење во граѓанското општество. Продукција на сопствена програма во области важни за заедницата и развој и унапредување на медиумската писменост, општествената одговорност, зачувување на историските, културните и природните богатства, со акцент на еколошките теми за поттикнување на зголемена еко свесност.
Прилагодување на промените во медиумскиот систем, кои се должат на технолошката револуција и иновациите.

Корисници

Преку јавното информирање на жителите на Пелагонискиот регион, очекуваме дека директна корист од информирањето за процесот на енергетска ефикасност и енергетска безбедност, како и процесот на Праведна транзиција, ќе има населението, но истовремено и локалните власти, како и научната заедница која потекнува од битолскиот универзитет. Бизнис секторот ќе добие повеќе информации како да биде активен учесник во надминување на енергетската криза. Тука е и невладиниот сектор, кој може преку вмрежување со невладиниот сектор од соседна Грција заеднички да аплицираат на енергетски проекти, или образовно-едукативни проекти од областа на енергетската ефикасност и енергетската безбедност.

Здружение за унапредување на новинарските практики – Иновативни Медиуми – Скопје

Резиме на стратешката ориентација на организацијата

Здружението ги штити, промовира и унапредува професионалните стандарди во медиумите преку градење на капацитети на новинарите и ја зајакнува свеста и капацитетот на младите новинари за тие да ја преземат најдобрата можна улога како иновативни новинари што ги почитуваат етичките норми и се активисти за демократија.

Корисници

Преку создавање на медиумски содржини (видео информации и теми) за младите за нивно прецизно информирање на теми од областите безбедност и стабилност и добро управување што ќе го зголеми нивото на ангажираност на младите во решавањето на приоритетните прашања, ќе ги зајакне критички да размислуваат и ќе ги направи поотпорни на дезинформациски кампањи со што ќе придонесеме во создавање на дигитално одговорни млади, отпорни на сајбер безбедносни ризици што на крај влијае на безбедноста и стабилноста и доброто управување.

Организација на жени од Струмица

Резиме на стратешката ориентација на организацијата

Организација на жени од Струмица (ОЖС) е основана во 1991 година и повеќе од триесет години работи на промовирање и застапување на политики базирани на еднакви можности и родова еднаквост, на недискриминација и ненасилство врз жените и девојчињата

Стратегијата на ОЖС се фокусира на подобрување на положбата на жените и девојките преку застапување, мобилизација и јакнење на нивните капацитети за вклучување во процесите на планирање и одлучување, како и на поттикнување, промовирање и застапување на политики на интегриран пристап за превенција и заштита од родово базирано насилство.

Се стремиме за обезбедување на поголема одговорност од носителите на одлуки и институциите за унапредување на родовата еднаквост и заштита на женските права.

Нашите стратешки определби се насочени и кон одржливо и професионално работење преку примена и почитување на процедурите за транспарентно и отчетно работење, на следење и оценување на успешноста на внатрешното организациско работење и преку соработка со жени и девојки од урбани и рурални средини, сродни домашни и меѓународни граѓански организации и со институции за прашања кои се од заеднички интерес.

Корисници

Жените и девојките од урбаните и руралните средини, жртвите на родово базирано насилство, членовите и волонтерите на ОЖС, младите, граѓанските организации и неформалните групи кои работат на полиња блиски до Организација на жени од Струмица, надворешните соработници, носителите на одлуки, институциите, медиумите и општата јавност.

Фондација за развој на локалната заедница Штип

Резиме на стратешката ориентација на организацијата

ФРЛЗ работи на зголемување на влијанието на граѓанскиот сектор во креирање и спроведување на јавни политики и зголемување на одговорноста на граѓаните за решавање на локални проблеми, како и поддршка на младите и младинскиот активизам. Согласно својата мисија и визија, активностите на кои е фокусирана Фондацијата се организирање на јавни настани, истражувања и анализи, развивање методологии, споделување информации, организирање на граѓански и буџетски форуми, дебати, обуки, работилници и консултации на теми за застапување, управување на граѓански организации, управување со проектен циклус, децентрализација, неформално образование, социјално претприемништво и младински активизам.

Корисници

Граѓаните од Штип ќе се мобилизираат и охрабрат да ги решаваат своите проблеми.

Пошироката заедница од Македонија ќе се запознае со моделот на социјално претпријатие за реупотреба на текстилниот отпад.

Вработените во фондацијата ќе ги зајакнат капацитетите од воведените внатрешни политики за безбедност и за собирање и обработка на статистички податоци за корисниците на ФРЛЗ.

Организација на жените на општина Свети Николе

Резиме на стратешката ориентација на организацијата

Стратешките цели на ОЖОСВН ја прикажуваат идеалната односно посакувана состојба која сакаме да ја постигнеме во периодот на времетраење на Стратешкиот план 2020-2024г, а се во согласност со нашите мисија и визија. Во согласност со нашите програми имаме и 3 главни цели. Главна цел на Здравствената програме е да придонесе кон подобра здравствена заштита на населението, а во насока на континуирана помош и поддршка на жени заболени и лекувани од малигни заболувања, подобрена заштита, превенција и унапредување на здравјето на жените и девојките и унапредена и подобрена грижа за себе и сопственото физичко и ментално здравје. Главна цел на Програмата за деца и млади е младите да бидат препознаени во општеството како значајни чинители кои влијаат и придонесуваат кон позитивни промени во заедницата, а во насока на подобрени и изградени капацитети на децата и младите преку разни форми на неформално образование, зголемено младинско учество, подобрен младински активизам и волонтерство, како и креирани можности и услови за ран детски развој. Најшироката програма е Програмата за човекови права која има за цел да придонесе кон почитување и унапредување на човековите права, со акцент на правата на жените. Оваа програма е насочена во повеќе сегменти односно го промовира концепт на основните човекови права, работи на зголемено учество на жените и младите во процесите на креирање и донесување јавни политики, програми, стратегии, ја унапредува превенцијата, заштитата и елиминацијата на сите форми на родово базирано насилство, како и семејно и врсничко насилство и дополнително е насочена кон воведување на концептот на родова еднаквост во сите сфери на локално ниво. Со цел да ја унапредиме и зајакнеме својата работа во континуитет работиме на подобро позиционирање, видливост и работа на ОЖОСВН кон своите конституенти и креирање на услови за финансиска самодржливост.

Корисници

Целна група на ОЖОСВН се сите граѓани без разлика на нивната припадност и определеност по било кој основ. Директен фокус се жените и младите, но и децата, маргинализираните групи и групите на граѓани во понеповолна општествена положба. Со овој проект се очекува да се влијае на подобрување на целокупната работа, активно функционирање и позиционирање на ОЖОСВН. Со постигнување на предвидените резултати, како подобрена одржливост, зголемена видливост на Организацијата и нејзиното влијание во придонес кон превземање иницијативи и делување врз општествени промени, ннапредена и промовирана Здравствена програма на ОЖОСВН ќе имаат бенефит сите наши целни групи, а посебно жените и девојките заболени и лекувани од малигни болести.

ХОПС-Опции за здрав живот Скопје

Резиме на стратешката ориентација на организацијата

Преку овој проект ХОПС се фокусира на 4 клучни стратешки области: Поголема видливост и препознаеност на организацијата, Унапредување на човечки ресурси во организацијата, Унапредување на професионални знаења и вештини на вработените и ангажирани лица, Обезбедување на финансиска одржливост на програмите и сервисите на ХОПС.

Корисници

Преку изработка на стратегија за финансиска одржливост на програмите и услугите на ХОПС, изработка на комуникациска стратегија, соодветни анализи на буџетот на министерство за здравство со препораки за можностите за финансирање на програмите за зависности кои ги спроведуваат граѓанските организации ќе се овоможи континуитет и подобрување на услугите за заедниците со кои работи ХОПС – луѓето кои употребуваат дроги и членовите на нивните семејства како и сексуалните работници и членовите на нивните семејства.

Хуманитарно здружение за помош и поддршка на лица со посебни потреби Бравура Кооператива

Резиме на стратешката ориентација на организацијата

Хуманитарно здружение за помош и подршка на лица со посебни потреби „Бравура Кооператива“ согласно својата Мисија ги обединува политиките поврзани со Лицата со посебни потреби и нивните семејства, социјалните права и политиките , правата на децата со посебни потреби, заштита од дискриминација и др. ХЗ Бравура Кооператива активно и во континуитет подготвува, предлага и импелементира мерки, активности и стратегии кои се однесуваат на подобрување на благосостојбата на лицата со посебни потреби, јакнење на капацитетите преку директен третман и подршка, јакнење на ефикасен и ефективен социјален дијалог на сите нивоа за подигање на јавната свест за оваа популација, воспоставување на алтернативни форми на услуги од вонинституционален карактер, обезбедување на поголема еднаквост и заштита од секаков вид на дискриминација.

Корисници

Имплементацијата на активностите ќе влијае директно кон подобрување на сосотојбата на ранливите групи ( лица со посебни потреби и лица со намалени функционални способности), како крајни бенифициенти од Источен плански регион. Креирањето на регинални социјални политики, преку развиена мрежа на конституиенти од државни институции на системот и НВО организации, со оперативен план базиран на реалните проценки од работните групи претставува позитивна промена и взаемна кориси и интерес на овие чинители. Акциите од иницијативата ја пополнува празнината на системот од областа на социјалните услуги со регионален опфат, и гради и создава предуслови за развој на социјални сервис провајдери во Источно плански регион, и мапирање на социјални услуги согласно реалните потреби на ранливите групи.

343422226_1279718119298109_1267159268330916770_n

Церемонија за доделување грантови во С. Македонија | 28.04.2023

Ни претставува особено задоволство да ве информираме дека на 28.04.2023, проектниот тим на СМАРТ Балкан додели 14 грантови, од кои десет (10) грантови за Локални иницијативи, два (2) гранта за Креативни кутии и два (2) Медиумски гранта на граѓански организации, правни субјекти и неформални групи од С. Македонија.

На Церемонијата беа формално претставени корисниците на грантови во рамки на јавните повици за доделување грантови за Локални иницијативи, грант Креативна кутија и Медиумси грант. На повиците беа пристигнати 79 апликации од С. Македонија, од кои 76 поминаа административна проверка и беа бодувани од Комисија за евалуација на проекти, а 14 се добитници на грант. Доделените грантови ќе се реализираат во наредните 6 и 12 месеци, додека фокусот на поддржаните проекти ќе биде насочен кон клучните теми на проектот, односно безбедност, стабилност и управување.

Извршната директорка на Центарот за истражување и креирање политики, г-ѓа Марија Ристеска, во својот поздравен говор истакна е особено среќна и горда што кругот на соработници и партнери се проширува со 14 нови грантисти кои што ќе иницираат промени и во заедниците и на национално ниво, преку вмрежувања и заедничко делување. Резултатите од акциите на нашите соработници и партнери несомнено многу би придонеле кон главните цели на проектот, а тоа е поголема безбедност и стабилност, како и добро управување во целиот регион. Остварувањето на овие цели и можно и заради поддршката и довербата која што Кралството Норвешка ја довери на нашиот конзорциум која што финансиски изнесува повеќе од 17.5 милиони ЕУР. Самиот факт дека конзорциумот е составен од локални организации дополнително придонесува кон зајакнување на локалните капацитети на организациите.

Г-ѓа Нела Јовиќ, виша советничка за проекти при Амбасадата на Кралството Норвешка во С. Македонија, со седиште во Белград, посочи дека Норвешка и С. Македонија веќе 30 години имаат успешно партнерство преку воспоставените билатерални односи кои што годинава одбележуваат јубилеј. Главна цел на Норвешка е да придонесе кон безбедноста и стабилноста во регионот на Западен Балкан и воспоставување на добро владеење засновано на демократски вредности. Оттука, Норвешка смета дека евроинтегративните процеси се клучни и целосно ги поддржува напорите на земјата во таа насока, вклучително и на граѓанскиот сектор. Г-ѓа Јовиќ истакна дека е свесна за тежината на работата на граѓанските организации со оглед дека се еден вид на баланс помеѓу власта и потребите на нивните конституентите. На крај, таа истакна во духот на проектот, дека очекува граѓанските организации „паметно“ (SMARTly) ќе ги искористат грантовите.

Добитници на грант Локална иницијатива:

Доброволно противпожарно друштво Свети Николе со проект “Ги учиме најмладите за опасностите и постапките за безбедност при пожари!!!”
Здружение на граѓани НВО „КХАМ“од Делчево со проект “Инспекторатите во служба на граѓаните”
Здружение на граѓани Медиа Плус со проект “Сигурни во виртуелниот свет”
Асоцијација за унапредување на статусот на жените во Македонија “Женска Акција” Радовиш со проект “Дигитални вештини – Предизвици и можности за жените”
Здружение на граѓани РУБИКОН Скопје со проект “Силни млади – моќна заедница”
Организација на жени од Струмица со проект “Унапредување на родовата рамноправност во општина Ново Село”
Здружение за рурален развој ЛАГ Агро Лидер со проект “Промените започнуваат на локално ниво”
Центар за социјални иницијативи НАДЕЖ со проект “Иницирај – Реализирај – Промени”
Организација за домување и станари ОДС со проект “Активни млади за соодветно домување”
Центар за едукација и развој – ЦЕД со проект “Младинско учество во руралните средини”

Добитници на грант Креативна кутија:

Организација на жени од Струмица со проект “#Сподели, заштити се!”
Неформална група “СКОРО” со проект “Два пати Мери”

Добитници на Медиумски грант:

Здружение за унапредување на новинарските практики ИНОВАТИВНИ МЕДИУМИ – Скопје со проект “Медиумите за младите: Промовирање на дигитална безбедност и добро управување”
ТРД ТВ Студио “ТЕРА” Манговски Зоран Битола ДООЕЛ со проект “Подобрување на енергетска безбедност на Пелагонискиот регион преку процесот на праведна транзиција – состојба на ресурси, искуства со Република Грција и споредба на националните стратегии”