SMART Balkans - SMART Balkans

Повик за Aд хок грантови

Референтен број на повикот: SB MKD AD 01/22

СМАРТ Балкан проектот, финансиран од Министерството за надворешни работи на Кралството Норвешка, го спроведува конзорциумот на организации: Centar za promociju civilnog drustva (CPCD) од Босна и Херцеговина како главен апликант, во партнерство со Центарот за истражување и креирање политики (ЦИКП) од Северна Македонија и Институтот за демократија и медијација (ИДМ) од Албанија.

Проектот SMART Balkans преку специјализирани Aд хок грантови обезбедува поддршка за граѓанските организации, неформалните граѓански групи и медиумските куќи, во справувањето со итни прашања кои не може да се предвидата, а бараат итна интервенција.

Ад хок грантовит се достапни во текот на целата година. Ад хок грантовите се пофлексибилни, со поедноставена и забрзана процедура за одобрување, за да се обезбеди навремен одговор на соодветната потреба.

Вкупните средства наменети за овој тип на грант се 127.296 NOK (30.000 EUR). Максималниот износ на еден грант изнесува до 51.000 NOK (5.000 евра). Големината на грантовите ќе биде одредена врз основа на предложената активност, капацитетите за апсорпција на апликантот и ограничувањата на буџетот на проектот.

Ад хок грантови се планирани за непредвидени интервенции за настани што може да се случат, но не мора да припаѓаат на некоја од другите категории на грантови во рамки на СМАРТ Балкан проектот. Овој грант претставува поддршка за иницијативи кои се одговор на неочекувани итни настани, или настани со ограничено време за имплементација.

Целта на овој тип на грант НЕ е да се поддржат активности кои би можеле да се планираат/предвидуваат однапред.

Ад хок поддршката треба да биде во согласност со целите на СМАРТ Балкан проектот1.

Општа цел на Проектот е да придонесе за зајакнување на партиципативните демократии и евроатлантските интеграции во земјите од Западен Балкан преку зајакнување на граѓанските организации (ГО) и мрежите на ГО за посилна и поактивна улога во создавањето мирни и инклузивни општества за одржлив развој во Албанија, Босна и Херцеговина, Косово , Црна Гора, Северна Македонија и Србија.

Специфичните цели на СМАРТ Балкан проектот се:

• Посилни, поодржливи и подинамични граѓански организации во шесте земји од регионот на Западен Балкан;

• Развиени силни регионални партнерства помеѓу граѓанските организации од регионот на Западен Балкан и релевантни чинители од ЕУ и јавните власти;

• Зголемена ефективност на промените иницирани од граѓаните преку ГО кои ги унапредуваат безбедноста и стабилноста и владеењето во регионот на Западен Балкан;

• Зголемена свест на јавноста за важноста од активно учество на граѓанското општество во големите развојни иницијативи во регионот на Западен Балкан.

Иако типот на активности за поддршка на приоритетните области (Безбедност и стабилност и добро управување) треба да биде предложен од апликантот, во продолжение е дадена предлог листа на теми кои што можат да ги насочат апликантите

Безбедност и стабилност
– Борба против радикализацијата

– Дезинформациите како безбедносна закана

– Трговија со оружје

– Трговија со луѓе

– Сајбер криминалот како дестабилизатор на безбедноста

– Борбата против организираниот криминал

– Спречување на перење пари

– Борбата против тероризмот

– Безбедност на храна во услови на вооружен конфликт и климатски промени

– Влијанието на климатските промени врз безбедноста и стабилноста во регионот

– Енергетска безбедност

– Подготвеност за вонредни ситуации

– Меѓукултурен дијалог

– Социјална кохезија, помирување и мир

– Човечка безбедност и родова еднаквост

– Сајбер безбедност

– Приватност на податоците

– Надзор на безбедносните институции/следење на спроведувањето на политиките за безбедност и стабилност

Добро управување
– Промовирање на дигитална писменост

– Слобода на изразување

– Учество на граѓанското општество во одлучувањето

– Борба против лажните вести

– Евроатлантски интеграции

– Дигитализација

– Реформи на јавната администрација

– Скриена економија

– Корупција, вклучително и корупција на високо ниво

Како да аплицирате?
Овој грант е достапен во текот на целата година, а апликациите се примаат секој работен ден по е-пошта: [email protected]

Главните критериуми за овој вид грант се итноста и непредвидената ситуација која бара брза и итна акција, поради што процесот на аплицирање е поделен во 2 фази:

Фаса 1: Концепт за интервенција

Фаза 2: Образац за аплицирање и Предлог – буџет за интервенција (Анекс 2, Анекс 3)

Концептот за интервенција треба да биде краток и да даде одговор на следниве прашања:

1. Цел на интервенцијата;

2. Географски области на имплементација;

3. Времетраење на интервенцијата (број на месеци);

4. Во случај на кофинансирање, ве молиме дадете дополнителни информации за кофинансирањето;

5. Опис на проблемот (максимум ½ страница);

6. Очекувани резултати (максимум ½ страница);

7. Список на активности (максимум ½ страница).

Напомена: За аплицирање во Фаза 1, не е обезбеден образец туку, аплицирањето се врши со испраќање на документ насловен како „Концепт за интервенција.“ Овој документ треба да ги содржи сите горенаведени информации и да не биде подолг од 3 (три) страници. Концептот за интервенција се испраќа на гореспоменатата е-пошта [email protected]

Концептот за интервенција ќе биде евалуиран од СМАРТ Балкан во рок од 48 работни часа.

Во случај на позитивен одговор, барателот го доставува целосниот предлог за интервенцијата составен од Образац за аплицирање и Предлог – буџет за интервенција, кои ќе бидат евалуирани во рок од 72 работни часа.

По одобрувањето на Концептот за интервенција, апликантите ќе ги добијат формуларите за поднесување на целосната апликација.

Кој може да аплицира?

Ад хок грантови се наменети за граѓански организации 2, неформални граѓански групи, медиумски куќи или комбинација од претходно споменатите категории (со исклучок на политички и верски организации, организации засновани на религија или вера како и локални ограноци на меѓународни организации) регистрирани или со престој во Република Северна Македонија.

Правни и физички лица кои се појавуваат на Консолидираната листа на ЕУ на лица, групи и субјекти подложени на финансиски санкции на ЕУ (www.sanctionmaps.eu), Канцеларијата за контрола на странски средства („OFAC“) на Министерството за финансии на САД https: //sanctionssearch.ofac.treas.gov/ и Списокот за санкции на ОК https://docs.fcdo.gov.uk/docs/UK-Sanctions-List.html НЕ СЕ подобни да аплицираат на овој повик.

ДОПОЛНИТЕЛНИ ИНФОРМАЦИИ

Апликациите треба да се достават на македонски јазик и кирилско писмо како службен јазик во Република Северна Македонија.
Прашања во врска со Ад хок грантовите може да се испратат на е-пошта [email protected]

Изгласани промени во законот за здруженија и фондации

На 02.11.2022, пратениците во Собранието ги изгласаа измените на законите за здруженија и за политички партии со кои се забранува граѓански здруженија, фондации и политички партии да користат имиња, прекари, псевдоними кои се поврзани со фашизам, нацизам, геноцид, третиот рајх итн.

Овие измени беа иницирани откако на 07.10.2022 година во Охрид, С. Македонија од страна на поголема група на граѓани се одржа протест против најавеното отворање на бугарскиот клуб „Борис III”. Протестот на граѓаните, според организаторите и граѓаните, беше насочен против здружение кое носи име на „познат фашистички државник од периодот на втората светска војна (Цар Борис III), кој бил во блиски релации со Хитлер“[1]. Така, се отвори расправа во јавноста за потребата законски да се регулира употребата на имиња, прекари, псевдоними кои што би предизвикале негативни чуства кај одредена етничка заедница или пак доколку целите биле во насока на менување на уставниот поредок на државата.

Набргу потоа, на 17.10.2022 по иницијатива на пратеничката група на опозициската ВМРО-ДПМНЕ, пратениците во Собранието на РСМ дадоа поддршка за донесување на Предлог-законот за изменување и дополнување на Законот за здруженија и фондации[2]. Како што беше образложено од страна на еден од подносителите на иницијативата, овие законски измени имаат за цел да се стави крај на отворање здруженија и фондации чии програми, цели, дејности и дејствувања се насочени кон насилно уривање на уставниот поредок на земјава, кон поттикнување и повикување на воена агресија, како и кон разгорување национална, расна, верска омраза или друга нетрпеливост, нетолеранција, омраза, геноцид, екстерминација, ширење или поддршка, поттикнување и одобрување фашизам, нацизам, национал-социјализам и третиот рајх, како и преземање активности поврзани со тероризам или активности спротивни на Уставот[3].

Имајќи предвид дека со новото законско решение се дополнително уредуваат одредбите кои се однесуваат на регистрација на граѓански организации, дефинирање на статус на непрофитни организации како и начинот на нивно финансирање, во овој блог се изнесени измени на законот, за да се согледа влијанието на законските измени врз овозможувачката средина за граѓанските организации.

Во членот 8 став 3 од Законот за здруженија и фондации се додава алинеја 4 и 5, кои гласат:

„Како име или назив на здружение не можат да бидат употребени имиња што по која било основа во минатото се поврзани со расна, верска, национална, етничка и друга нетрпеливост, нетолеранција, омраза, геноцид, екстремизам, ширење или поддршка на фашизам, нацизам, националсоцијализам и третиот рајх. Ако во името на здружението е содржано такво име, одобрение дава министерот за правда, по препорака на Комисија која ќе биде формирана од министерот за правда со претставници на Министерството за култура, Институтот за национална историја, МАНУ и Министерството за правда“.

Понатаму, промени се предвидени и во членот 18 став 2 алинеја 2 и 3 каде се предлага следниот текст:

„Целите на здружението што не смеат да предизвикуваат расна, верска, национална, етничка и друга нетрпеливост, нетолеранција, омраза, геноцид, екстерминација, ширење или поддршка на фашизам, нацизам, националсоцијализам и третиот рајх.“

„Дејностите со кои се остваруваат целите не смеат да ги предизвикуваат горенаведените нетрпеливости“

Во членот 31, став 2, алинеја 2 и 3, од се предвидува целите на здружението или фондацијата да не предизвикуваат каква било нетрпеливост, нетолеранција, омраза, како и ширење фашизам.

Законот има и ретроактивно дејство и се однесува и на веќе регистрираните здруженија и фонации. Имено, во завршните одредби се предлага здруженијата и фондациите што нема да постапат според наведените измени, да престануваат да важат по сила на закон и се бришат од регистарот откако ќе донесе одлука министерот за правда.

Случајот „РАДКО“

Отворањето и регистрирањето на здружението „Цар Борис Трети“ има доста сличности со т.н. случај „РАДКО“, кога во јавнос практично и се отвори дебата за користењето на спорни (контроверзни) имиња и прекари. Имено, „Радко“ е псевдонимот кој што бил користен од страна на контроверзна личност за македонската историја – Иван (Ванчо) Михајлов, а беше ставен како име на здружение на граѓани регистрирано во Република Македонија.

Во 2001 година, со одлука на Уставниот суд на Република Македонија беше укинато здружението „Радко“, кое што беше регистрирано во 2000 година. Здружението пред Европскиот суд за човекови права во Стразбур ја оспори одлуката на Уставниот суд на РМ, кој што донесе одлука[4] во полза на здружението наведувајќи дека е прекршено правото на слободно здружување. Понатаму, во одлука се наведува дека ваквите тензии можат да настанот, но дека истите се производ на плурализмот, а државата е должна да осигура толеранција помеѓу различните општествени групи.

[1] https://www.dw.com/mk/klubot-car-boris-treti-vnese-nemir-vo-ohrid-obvinuvana-za-predavstvo-i-provokacii/a-63371327

[2] Службен весник на РМ бр. 52/16.04.2022 достапен на: https://www.slvesnik.com.mk/Issues/623772ADC92FEE42A1DB496E1E190648.pdf

[3] https://novamakedonija.com.mk/makedonija/pratenicite-od-vlasta-i-opozicijata-ednoglasni-za-izmenuvanje-na-zakonot-za-zdruzhenija-i-fondacii/

[4] https://hudoc.echr.coe.int/app/conversion/pdf/?library=ECHR&id=003-2612931-2834655&filename=003-2612931-2834655.pdf

Најава за акредитирање на финансиска академија (едукативна програма) наменета за граѓански организации во рамки на СМАРТ Балкан

Со цел зајакнување на граѓанскиот сектор и создавање на посилни, поодржливи и подинамични граѓански организации, СМАРТ Балкан проектот во рамки на своите активности има предвидено и акредитирање на програма за едукација во делот на финансиско работење за граѓанските организации. Оваа програма (финансиска академија за граѓански организации) ќе има за цел да ги подобри капацитетите за финансиско управување на граѓанските организации преку програма која што ќе биде креирана наменски за потребите на граѓанските организации. Со ова, значително ќе се подобри ефикасноста и оддржливоста на граѓанските организации, како и нивниот капацитет за менаџирање и апсорбција на поголеми фондови.

Во насока на акредитирање на програмата, денеска проектниот координатор од СМАРТ Балкан тимот Алексадар Цеков се сретна со претставник од ЈУ Центарот за образование на возрасни на која беа претставени целите на програмата, а беа размените и информации за постапката за акредитација на самата програма

По процесот на верификација на програмата, ќе следи повик за граѓанските организации кои што се заинтересирани да ја следат обуката.

Следете не’ за повеќе информации во врска со Финансиската академија за ГО!

Билтен Септември 2022

Септемвриското издание на нашиот Билтен може да се најде на овој линк:

https://bit.ly/3f7rmoe

Секој месец ги презентираме сите важни активности и достигнувања поврзани со проектот Смарт Балкан, затоа осигурајте се редовно да ги проверувате нашите билтени.

304907987_151345270864446_5579380607382077685_n

Состанок во владата на Северна Македонија

Преку СМАРТ Балкан проектот ја зајакнуваме соработката помеѓу граѓанските организации и државните институции во креирање на ефективни антикорупциски политики на партиципативен начин.

Во таа насока, тимот на СМАРТ Балкан оствари работна средба со Славица Грковска, Заменичка на Претседателот на Влада задолжена за политики за добро владеење на која што ги разгледавме можнбостите за заедничко делување во делот на креирање политики за добро управување и безбедност.

Интервју на координаторот на проектот SMART Balkans за Телевизија Клан Косовска

Координаторката на проектот “Паметен Балкан” за Албанија и Косово, г-ѓа Клидија Лика, беше поканета во емисијата “Ora shtatë” на телевизијата Клан Косовска, каде што им го претстави на сите заинтересирани граѓани во Косово проектот и можностите за грантови кои овој проект ги нуди. За време на интервјуто, таа истакна дека целта на проектот е зајакнување на партиципациската демократија и зголемување на влијанието на граѓанското општество во интеграциските процеси. Г-ѓа Лика објасни дека ова е проект од големо значење за регионот на Западен Балкан, бидејќи преку него има за цел да придонесе за создавањето на мирни, инклузивни општества и да го испрати гласот на граѓаните во креирањето на политиките.

Г-ѓа Лика направи детална презентација на сите видови грантови и финансиската, техничката и поддршката за градење капацитети што проектот ќе го обезбеди за секторот на граѓанското општество. Таа ги покани сите заинтересирани организации и поединци да останат во постојан контакт со проектот преку своите социјални мрежи, и ги охрабри да аплицираат на јавните повици за грантови кои ќе бидат отворени континуирано во текот на 4-годишниот период од спроведувањето на проектот.

За да го слушнете целото интервју, ве молам кликнете на линкот: https://www.youtube.com/watch?app=desktop&v=qBmXhdCe-yc&feature=youtu.be

Радио Гостување СМАРТ Балкан

Програмскиот координатор Александар Цеков беше гостин на Urban FM 90.8 Skopje кај водителката @Marija Dimishkova каде што ги престави проектните активности и постигнувањата во рамки на проектот СМАРТ Балкан – Граѓанско општество за поврзана општество во Западен Балкан.

За време на емисијата, Александар се фокусираше на поддршката што проектот ја обезбедува за граѓанските организации и го спомена големиот интерес помеѓу граѓанските организации за проектот што се гледа од фактот дека повеќе од 600 организации се регистрирале на платформата на проектот.

Во емисија, Александар даде остврт и на состојбата со граѓанското општество во Македонија и објасни на кој начин СМАРТ Балкан ќе придонесе кон подобрување на состојбите во граѓанскиот сектор

Емисијата можете да ја проследите на следниов линк:

https://bit.ly/3R3G1i8

SMART Balkans на MPT1

Целите на проектот СМАРТ Балкан беа претставени на Македонската национална телевизија МРТВ во четврток (18.08.2022) во утринската пограма со гостување на нашиот грант менаџер од Центарот за истржување и креирање политики од С. Македонија, г-ѓа Бојана Крстевска, која ги истакна очекуваните суштински резултати од имплементацијата на проектот, што ќе придонесат за посилни граѓански организации во Западен Балкан.

Проектот СМАРТ Блакан ќе се фокусира на градење помоќни, поодржливи и поактивни граѓански организации и на развивање солидни регионални партнерства помеѓу граѓанските организации од регионот и со засегнатите страни од ЕУ и локалната власт.

Понатаму, г-ѓа Крстевска го поздрави исклучителниот интерес на граѓанските организации за учество во проектот СМАРТ Балкан. Таа потенцираше, дека досега, за период од два месеци, повеќе од 600 граѓански организации се имаат регистрирано на Платформата за менаџирање на грантови.

Национална конференција во рамките на регионалниот проект СМАРТ Балкан

На 22.05.2022 година во хотел Double Tree by Hilton се одржа Национална конференција во рамките на регионалниот проект „СМАРТ Балкан – Граѓанско општество за поврзан Западен Балкан“, на која учествуваа повеќе од 60 претставници од ГО, институции и зинтересирани граѓани од С.Македонија како и 10 панелисти. Беа одржани две продуктивни панел сесии на тема: Перспектива на безбедноста и стабилноста во Западен Балкан и Добро владеење и ЕУ интеграција во Западен Балкан: моментална состојба и улогата на ГО.

Во воведното обраќање и отворање на Националанта конференција се обрати Извршната директорка на Центарот за истражување и креирање политики, д-р Марија Ристеска и потенцираше дека граѓанското општество и медиумите од регионот имаат потреба од поддршка која ќе им овозможи да бидат одржливи, објективни и независни, а програмата СМАРТ Балкан ја пресретнува оваа потреба и цели кон градење на нивните капацитети.

Понатаму, Амбасадорот на Кралството Норвешка во Србија, Црна Гора и С. Македонија, Н.Е. Јорн Гјелштад, изјави „Граѓанското општество е еден од партнерите на кои што најмногу му веруваме и за задоволство ве информирам дека денес го покренуваме нашиот нов механизам за финансирање во наредните четири години, до крајот на 2025 година. Норвешката влада само за оваа програма издвои 17 милиони евра што ја прави една од најголемите програми на Норвешка во регионот. „Добро управување и „безбедност и стабилност“ се истакнуваат како стратешки приоритети на Норвешка во С. Македонија. Да бидеме поконкретни, сакаме да придонесеме кон зајакнување на партиципативната демократија и евроатлантските интеграции преку омоќување на граѓанското општествo за да има посилна и поактивна улогa во создавањето на мирољубиви и инклузивни општества за одржлив развој.“

Главна цел на проектот „СМАРТ Балкан – Граѓанско општество за поврзан Западен Балкан“ е зајакнување на партиципативната демократија и евротлантската интеграција во Западен Балкан преку зајакнување на граѓанските организации и мрежи во регионот и нивно поактивно учество при градењето на мирно и инклузивно општество, со цел одржлив развој во Албанија, Босна и Херцеговина, Косово, Црна Гора, С. Македонија и Србија. Примарниот фоус на проектот е обезбедување на повеќе од 450 грантови во 6 држави од регионот, односно над 150 грантови за С. Македонија, во период од 4 години, како и градење на капацитетите на граѓанските организации.

Проектот СМАРТ Балкан започна со спроведување на 01.01.2022 и е финансиран од страна на Министерството за надворешни работи на Кралството Норвешка со грант од над 17 милион евра и се имплементира од страна на конзорциум од три организации од регионов: Centar za promociju civilnog društva (БиХ), како водечки партнер, Центар за истражување и креирање политики (МКД) и Институт за демократија и медијација (АЛБ).