Јавен повик за оперативни грантови
Референтен број: SB MKD CG 02/23
Проектот СМАРТ Балкан објавува јавен повик за оперативни грантови, за апликантите од С. Македонија.
Проектот СМАРТ Балкан е финансиран од Министерството за надворешни работи од Кралството Норвешка и имплементиран од конзорциум на следниве граѓански организации: Centar za promociju civilnog društva (CPCD) од Босна и Херцеговина, како водечки партнер, Центар за истражување и креирање политики (ЦИКП) од С. Македонија и Институт за демократија и медијација (IDM) од Албанија.
Општа цел на проектот СМАРТ Балкан е да придонесе за зајакнување на партиципативните демократии и евроатлантските интеграции во Западен Балкан преку зајакнување и поттикнување на граѓанските организации и мрежите на граѓанските организации за посилна и поактивна улога во процесот на создавање на мирни и инклузивни општества за оддржлив развој на Албанија, Босна и Херцеговина, Косово, Црна Гора, Северна Македонија и Србија.
Специфични цели на проектот СМАРТ Балкан се:
- Посилни, поодржливи и подинамични граѓански организации во шесте држави од регионот на Западен Балкан;
- Развиени силни регионални партнерства помеѓу граѓански организации од регионот на Западен Балкан, и релевантни чинители од ЕУ и јавните институции;
- Зголемена ефективност на промените иницирани од граѓаните преку ГО кои ги унапредуваат безбедноста и стабилноста и доброто владеење во регионот на Западен Балкан;
- Зголемена јавна свест за важноста на активното учество на граѓанскиот сектор во клучните развојни иницијативи во регионот на Западен Балкан.
Оперативните грантови ќе овозможат основна финансиска поддршка на граѓанските организации кои дејствуваат и вршат влијание во една и/или двете од подолу наведени области:
- Безбедност и стабилност
- Управување
Во документите во продолжение може да најдете детални насоки и потребните формулари за апликација:
- Анекс 1 – Насоки за аплицирање за Оперативен грант
- Анекс 2 – Формулар за аплицирање за Оперативен грант
- Анекс 3 – Буџет за Оперативен грант
Одговорите на прашањата кои произлегоа од информативната сесија која се одржа на 13.07.2023 за оперативни грантови се достапни на следниот линк:
