Локални иницијативи

Грантовите за локални иницијативи претставуваат механизам за финансирање локални проекти кои се однесуваат на безбедноста и стабилноста и управувањето.

Проектите финансирани во рамките на грантовата шема за локални иницијативи треба да се засноваат на релевантни стратегии и/или политики, придонесувајќи за нивните цели.

Подобни активности се мали кампањи за застапување кои вклучуваат промотивни материјали и материјали за подигање на свеста (на пр., краток документ за јавни политики, истражување, видео, настан, перформанси, медиумски производи, ангажман на влијателни лица, со исклучок на печатениот промотивен материјал) и работни групи за воспоставување механизми и/или развивање на локални акциони планови, стратегии, процедури и слично, во кои се ангажирани експерти.

Очекуваното времетраење на поддржаните проекти е од 6 до 12 месеци, а средствата наменети за овој тип на грант се во вкупен износ од 11,970,210.00 NOK.