Грант Креативна кутија

Грантовите Креативна кутија се наменети за правни лица (здруженија или фондации) и неформални групи.

Проектите поддржани со овој повик ќе развијат различни креативни производи низ кои ќе бидат споделени клучните пораки од проектите со граѓаните, а поврзани со областите на безбедност, стабилност и управување.

Креативните производи треба да бидат јасни и разбирливи за целната популација, по можност (но не нужно) со користење на хумор/сатира. Подобни активности вклучуваат развој на креативни производи (на пр. театарски претстави, интерактивни уметнички изведби, видеа, песни, настани и останати форми на креативно изразување кои не се сметаат за примарни медиумски производи) како и промоција на креираната креативна содржина (со исклучок на печатените промотивни материјали).

Очекуваното времетраење на поддржаните проекти е од 6 до 12 месеци, а средствата наменети за овој тип на грант се во вкупен износ од 3,894,000.00 NOK.